Европскиот Парламент и’ укажа на Комисијата да работи поинтензивно околу прашањата кои ги засегаат трансродовите луѓе

Европскиот Парламент побара од Европската Комисија да работи поинтензивно против дискриминацијата со која се соочуват трансродовите луѓе кога купуваат стоки или добиваат услуги. Ова е последното од серијата барања кои ги поднесе Парламентот во корист на правата на трансродовите луѓе, уште од 2010 година.

На пленарната седница беше усвоен извештајот за транспонирањето и примената на Директивата 2004/113/EC, ЕУ законот кој гарантира еднаков третман на мажите и жените при купувањето стоки или добивањето услуги. Извештајот потсетува дека Европскиот Суд на правдата во неколку наврати пресудил дека дискриминацијата на трансродовите луѓе може да се толкува како дискриминација врз основа на пол.

Во амандманот усвоен на седницата, Европскиот Парламент исто така „ја повикува Комисијата, согласно надлежноста на Судот на правдата, целосно да ја вклучи дискриминацијата врз основа на родов идентитет во идните политики и законодавството од областа на еднаквоста меѓу жените и мажите.“ Авторката на амандманот, Марија Корнелисен, член на Европскиот Парламент, по гласањето изјави: „Политиките на ЕУ го содржат родовиот идентитет од 2010, а истиот е содржан и во Стратегијата за родова еднаквост на ЕУ, како и во Европското законодавство. Европската комисија одлично започна со работата на ова поле, вклучувајќи студија со широк опсег, како и работа на меѓународно ниво. Парламентот изразува надеж дека Комисијата ќе го вклучи родовиот идентитет во нивните идни предлози во однос на законите и политиките на ЕУ.“

Мајкл Кешман, член на Европскиот Парламент, додаде: „Транс луѓето се соочуваат со некои од најсуровите услови во Европската Унија. Во ЕУ студијата која ќе биде објавена следниот месец, се вели дека повеќе од една третина од транс луѓето биле физички нападнати во последните пет години. Ова го покажува насилството и дискриминацијата со која се соочуваат транс луѓето, а ЕУ ова мора да го сфати колку што е можно посериозно.“

Следниот месец, Агенција за фундаментални права на ЕУ (FRA) ќе објави податоци од најголемото европско ЛГБТ изтражување досега, вклучително и податоци за дискриминацијата врз трансродовите луѓе во Европската Унија и Хрватска.

Извор (на англиски): http://www.lgbt-ep.eu/press-releases/ep-tells-commission-to-step-up-work-on-transgender-issues/