По тесното гласање, на 21 ноември, од страна на Генералното собрание при Организацијата на обединетите нации беше повторно избран и назначен новиот ООН експерт, преку чие работење меѓу другото ќе треба да се адресира и насилството и дискриминацијата базирано на сексуална ориентација и родов идентитет, и тоа е оценето како „победа за човековите права“ од страна на Human Rights Watch.
Human Rights Watch заедно со уште 850 невладини организации од 156 држави од целиот свет, упатија повик до Генералното собрание на Оргнизацијата на обединетите нации и до сите членки-држави на истото, да заземат принципиелен став во врска со правата на ЛГБТ луѓето. Ова активност не беше добро прифатена од некои африкански држави, кои се спротивставија на изборот и работата на овој ООН експерт со тоа што посочија дека „правната основа“ на неговиот мандат е дискутабилна. Сепак, позицијата на ООН експертот беше креирана од страна на Советот за човекови права при ООН во Женева.
Борис Дитрих, застапникот за ЛГБТ права изјави дека „Гласањето „ЗА“ за време на Третиот комитет го афирмира ставот дека правото да се биде заштитен од насилство и дискриминација е подеднакво важечко и за ЛГБТ луѓето. „Исто така ова значи и почит кон интегритетот на Советот за човекови права, како највисоко тело на ООН за човекови права, кое ќе може да ги осигура механизмите кои се воспоставени за заштита на правата и тоа не само во теорија, туку и во практика“ – додава Дитрих.
Советот за човекови права при ООН ја креираше позицијата на независен експерт за сексуална ориентација и родов идентитет во јуни, со цел да се направи уште еден пристап кон имплементација на постојното меѓународно право за правата на човекот, да се идентификуваат најдобрите практики, но и пропусти, да се работи на кревање на свеста против насилството и дискриминацијата врз основа на сексуална ориентација и родов идентитет, како и ангажман околу имање дијалог и консултации со сите земји членки и други заинтересирани страни.
Со ова позиција, исто така ќе се олеснат и советодавните сервиси, техничката асистенција и градењето на капацитети, како и кооперацијата при помош околу адресирање на насилството и дискриминација базирани на овие основи.
Советот за човекови права го назначи Vitit Muntarbhorn, професор по меѓународно право од Тајланд, во септември, а неговата канцеларија почна да работи на почетокот на ноември.
Извор: www.hrw.org
