Може да се каже дека Европа е веројатно најдобриот континент за правата на ЛГБТ луѓето во денешно време. На прашањето кои земји се најмногу пријателски настроени кон геј луѓето, една неодамнешна анкета покажа дека 8 од првите десет земји се наоѓаат во Европа.
И покрај напредокот, Европа како целина се уште има многу простор за подобрување. Во мај 2015 година, ИЛГА (Меѓународната асоцијација за лезбејки, геј, бисексуалци, транс и интерсексуалци) објави рејтинг за ЛГБТ еднаквоста во Европа. Велика Британија и Белгија водат со повеќе од 80% на целосна рамноправност. Поголемиот дел од Западна Европа, исто така постигнува висок степен на еднаквост, но како на мапата се движи кон исток, тие бројки опаѓаат.
Од февруари 2014 година, Европската унија работи на создавање на “патоказ против хомофобијата”. Овој патоказ допрва треба да се јасно постави, но нова листа на активности за унапредување на ЛГБТ еднаквоста е објавена од страна на Европската комисија. Овие се десетте препораките од извештајот:
Затворање на јазот на ниво на ЕУ во заштита од дискриминација
Животот на ЛГБТ лицата можеме да го подобриме преку бришење на дискриминацијата во образованието, социјалната заштита и пристапот до намирници и услуги. ЕУ сака директивата за еднаков третман. Додека голем број на европски земји имаат закони за анти-дискриминација, со оваа директива значително ќе се прошири областа за антидискриминација покриена со правосудството на ЕУ.”
Поедноставување на бирократијата за ЛГБТ семејствата што се селат низ Европа
Преселувањето од една земја членка на ЕУ во друга може да биде тешко за ЛГБТ семејство, особено при издавање на јавни документи. Комисијата предлага подедноставување на бирократијата, за полесна циркулацијата на важни документи и други информации. Пошироката цел на оваа иницијатива е да се “избегне потребата за легализација или други формалности, и со тоа да се придонесе кон создавање на Европа на граѓаните”. Во пракса, ова би можело да им помогне на ЛГБТ семејствата во избегнување на долгите процеси за докажување брак, посвојување, како и други граѓански документации.
Правилно спроведување на законите на ЕУ
Законите се толку силни колку што се спроведуваат. Целта е да се осигури дека земјите во ЕУ ќе ги спроведуваат овие закони правилно и целосно. Ова вклучува полово законодавство, заштита на жртвите од криминал (особено злосторства поради хомофобија и трансфобија), како и за азил и законите за слобода на движење.
Кампања за подобрување на социјалните ставови
Многу негативни стереотипи се уште постојат за ЛГБТ луѓето. Поради овие стереотипи настанува дискриминација и малтретирање. ЕУ сака да стави крај на ова со зголемување на свеста за правата и општествената прифатеност на ЛГБТ луѓето, со посебен фокус на спортот, училиштата, младите и да ја проширена едукација за трансродовите и интерсексуалните лица.
Поддршка на земјите-членки во клучните области на политиката
Секоја земја-членка е одговорна за промовирање на правата на ЛГБТ лицата. Промените треба да бидат локални, ЕУ сака да ја зајакне својата поддршка на земјите-членки и да им помогне да се подобрат локалните напори за подобрување на образованието, здравството, недискриминација и борбата против насилство и говор на омраза.
Финансиска поддршка за проекти на ЛГБТ
Голем дел од напорите за подобрување на образованието и нудење подобри услуги за ЛГБТ лицата бараат дополнителни ресурси. Почнувајќи од 2016 година, нови средства ќе бидат наменети за земјите-членки за да им помогнат во борбата против насилство и говор на омраза. Поддршка на проекти, приватни и јавни, промовирање на еднаквост, разновидност и анти-дискриминација, исто така ќе бидат дел од проектот. Еразмус, програмата за размена на студенти во Европа, исто така ќе биде вклучена со цел да се промовира подобра едукација на младите во Европа со обзир кон ЛГБТ прашањата.
Поддршка на бизниси и инклузивни работни места
ЕУ знае дека ЛГБТ правата се добри за бизнисот. Тие сакаат да формираат листа на најдобрите практики и примери за следење во работните места. Европската комисија исто така планира да води преку пример. Тие подготвуваат сопствена стратегија за разновидност која ќе биде рекламирана во иднина.
Подобрување на достапните податоци за состојбата на ЛГБТ лицата
Податоците за сегашната состојба на ЛГБТ лицата може да бидат нецелосни и несигурни. За да се подобри ова, ЕУ сака да создаде голем број на нови извештаи, вклучувајќи:
Недискриминација и фундаментални права
Здравствени нееднаквостите
Образование
Насилство / говор на омраза
Слободно движење на ЛГБТ семејствата
Интерсексуалци
Трансродово / родово правно признавање
Гледајќи подалеку од границите на ЕУ
ЛГБТ правата не завршуваат на Европските граници, ЕУ сака да биде дел од борбата за еднаквост на глобално ниво. Затоа ЕУ е активно вклучена во формирањето на “ЕРА-ЛГБТ, Асоцијација за еднакви права во Западен Балкан и Турција”.
Работа со остатокот од светот
Надвор од соседните земји на ЕУ се “трети земји”, односно остатокот од светот. ЕУ сака да продолжи со своите напори преку соработка со ОН и преку нејзините делегации и амбасади.
Извор: www.weforum.org
