Поповска побара професионално и подготвено Јавно обвинителство наспроти насилството врз ЛГБТ луѓето

Вчера, во Собранието на Република Македонија беше одржана пленарна седница на која се поставуваа пратенички прашања.
На истата, пратеничката од партијата Демократска обнова на Македонија, Лилјана Поповска упати прашање поврзано со неказнувањето на насилството врз поддржувачите и припадниците на ЛГБТИ заедницата во македонското општество.

Имено, Лилјана Поповска побара одговори околу подготвеноста и професионалноста во работењето најавните обвинителства, упатувајќи прашање до Јавниот обвинител Марко Ѕврлевски, ценејќи дека:
„ (…) досега се покажало дека со одлуките кои ги носат многу лесно се кршат човековите права со тоа што не се постапува при кривични пријави за нападите на ЛГБТИ заедницата‘‘.  

На 23. 10. 2014 година (четврток) се случи шестиот напад на припадници на ЛГБТИ заедницата, за време на роденденската прослава на ЛГБТИ Центарот за поддршка. Претходните две години, Центарот беше напаѓан пет пати (24. 10. 12 година, 16. 12 – 17. 12. 12 година, 02. 03. 12 година, 22. 06.  

Според одредбите на новиот Закон за кривична постапка, јавниот обвинител е субјектот кој е двигател не само на кривичното гонење, туку и на истрагите по кривичните дела. Поради тоа што последниот напад врз активностите на ЛГБТИ Центарот за поддршка претставува последно дело во криминалниот тренд на насилни напади на ЛГБТИ заедницата, неприфатливо е Jавниот обвинител да не ја воочи опасноста на која е изложена конкретна група во општеството, односно да не реагира соодветно на дела од омраза.