Транс жена на 22 годишна возраст се самоуби откако беше избркана од работа поради законите на Путин

Русинката која ја загуби својата работа, своето семејство и својот дом е опишувана како ’првата жртва на геј пропагандата’.

Млада транс Русинка изврши самоубиство откако беше избркана од работа поради анти-геј законите на Путин.

Даша Штерн, на дваесет и две годишна возраст се самоуби откако ја загуби својата работа и стана бездомник откако родителите ја избркаа од дома.

Се до минатата седмица, Штерн работеше за властите на Јекатеринбург во Свердловск, централна Русија и живееше со своите пријатели.

Таа само што подигна хипотека со цел да си купи сопствен стан, си купи свој автомобил и се подготвуваше да замине на патување.

Но, кога работодавците на Штерн се исплашија дека продолжувањето на нејзиниот работен однос би можел да ги прекрши законите за ’геј-пропагандата’, таа загуби се.

Отпуштена, таа не можеше да ги плаќа ратите за станот или за автомобилот.

Таа се самоуби во понеделникот, на 16 октомври.

Една од најдобрите адвокатки и активистки за транс права, Маша Бест, за Gay Star News изјави дека ненадејната смрт на Штерн била ’шокантна’ за нејзините пријатели.

’Владимир Путин креираше систем каде нема место за транс луѓето, каде нема место за луѓето кои се различни,’ рече таа.

’Даша е жртва на законите на Путин, таа е жртва на индиферентноста на руското општество.’

Во саботата, на 19 октомври, транс активистите имаа мирен протест на Црвениот Плоштад во Москва, со цел подигање на јавната свест за самоубиството на Штерн.

За време на протестот, групата запли свеќи, постави рози и носеше транспаренти.

На нив беше испишано: ’Убиена од индиферентноста,Убиена од Русија. Престанете да ги убивате трансродовите луѓе!’

Фотографијата е добиена преку Асоцијацијата на руските адвокати за човекови права

Извор: GayStarNews