Хомосексуалецот избран за матурска кралица против трансфобијата

Хомосексуалец, ученик во средното училиште  Данбури, Конетикат влезе во историјата, откако беше избран за кралица на матурската вечер и ја искористи приликата да прозбори против трансфобијата.

Насир Флеминг од Данбури, бил информиран од негов соученик дека ќе биде предложен од страна на комисијата за избор на матурската вечер. Така, 17-годишниот Флеминг кој се идентификува како хомосексуалец, се согласил да влезе во листата на учесници за кралица на матурската вечер – како гест против трансфобијата во рамки на тој натпревар во убавина и талент.

,,Иако се чувствувам како маж, добивањето на оваа ,,титула‘‘ е став против трансфобијата‘‘ напишал Флеминг во описот на видеото што го прикачил на јутјуб. ,,Иако геј луѓето стануваат повеќе прифатливи во општеството, транс луѓето се‘ уште се изложени на сериозна дискриминација. Ако јас можам да добијам титула која е ,,надвор од‘‘ мојот род, не постои причина за транс лице да има проблеми во добивањето статуси заради нејзиниот или неговиот род. Престанете со омразата, започнете со љубовта‘‘ заклучува Флеминг.

Изјавите на Флеминг претставуваат значаен придонес кон позициите на ЛГБТ заедницата, преку што се изразува емпатијата на еден добар сојузник во борбата против трансфобијата. Во продолжение, погледнете го видеото каде е прикажано крунисувањето на Флеминг.

Извор: http://www.advocate.com/politics/transgender/2014/05/27/watch-gay-male-prom-queen-fights-transphobia