Папата Францис го поддржал трансродовиот маж Диего

Откако бил одбиен од членовите на неговата црква, еден трансродов маж пристапил кон обраќање до понтификот, но се обратил и со лична порака до папата. 

Трансродоовиот маж со неговата вереница оствариле приватна средба со папата Францис. Диего Нериа Леџарага напишал писмо за одбивањето од страна на неговата парохија во Шпанија, затоа што бил наречен „ќерка на ѓаволот“ од страна на тамошен свештеник. 

„Кога папата се среќава со трансродов маж, и средбата да резултира во правец на тоа Диего да се чувствува многу понадежно во врска со неговото место во црквата, значи дека треба да се обрати внимание на маргините на црквата. Се надевам дека папата ќе се посвети на ова средба и искуството на овој човек, но и ќе има јавен настап во врска со сето тоа“ – вели Мариан Дуди-Бурк, која ја води ЛГБТ католичката организација Dignity во САД, за Washington Blade. Според Blade, прилогот за Диего оригиналено бил објавен во Hoy. Во шпанската верзија на овој текст, директно е објавена изјавата на Диего дека папата го прифатил и придонел кон тоа да се чувствува спокојно. 

Папата Францис има интересна позадина во врска со ЛГБТ темите. Имено, многумина сметаат дека односнот на римо-католичката црква е променет или постојат обиди да се промени кон ЛГБТ прашањата. Но истовремено, тој е обвинуван и заради отсуството на конкретни политики кои ќе ги овозможат промените, како и со повремената недоследност во ставовите кога ги критикуваше истополовите бракови и нетрадиционалните семејства. Исто така, за време на неговиот мандат Ватикан организираше самит во врска со „традиционалниот брак“. 

Дуди-Бурк за The Advocate претходно изјави дека тоа е комплексно прашање, и дали папата всушност придонесува кон супстанцијална промена, односно дали тоа е само обид за создавање поинаков резон и перцепции. Оттука, Дуди-Бурк ја воочува значајната ангажираност на папата во врска со сиромаштијата, но изразува грижа околу користењето на „десна реторика“ кога станува збор за семејството. 

Во рамки на католичката црква, прашањата поврзани со трансродовоста се многу почувствителни од останатите. На тоа укажува и случајот на сестрата Моника.

Извор: www.advocate.com