Документарецот за хулиганите хомосексуалци ги скрши табуата

Хомосексуалец хулиган може да прозвучи како оксиморон, но филмскиот режисер Јан Дирк-Боув во својот последен документарец ,,Ги сакам Хулиганите‘‘ покажува дека таквата комбинација е возможна.

На прашањето како е возможно, воопшто, да се најдат протагонисти за ваков филм, Дирк-Боув одговара дека со истражувањето на хомосексуалноста во фудбалот и во разговори со некој фудбалер со отворена хомосексуална ориентација, дошол до информација дека постојат и хулигани кои се хомосексуалци. На тој начин Дирк-Боув воспоставил контакт со исполнителот на главната улога во неговиот иден документарец, кој е изработен во техника со која се зачуваува анонимноста.

Дирк-Боув, понатаму, раскажува дека бил позитивно изненаден од согласноста на хулиганот и неговата група да бидат дел од ваков проект, и потребата од анонимност била прифатена од безбедносни причини, така што опцијата да се реализира документарецот како анимиран филм се наметнала како најсоодветна. И покрај почетниот сомнеж на хулиганот хомосексуалец, тој сепак прифатил да соработува со Дирк-Боув, истакнувајќи ја потребата од раскажување на неговата приказна и намерата да се воспостави дијалог со други луѓе во фудбалот околу хомосексуалноста. 

Oколу стравот во периодот на подготвувањето на филмот, Дирк-Боув вели дека запознавањето на начинот на живот на хулиганите и нивните места на среќавање повеќе го интригирал, отколку исплашил. И покрај тоа што Дирк-Боув не е голем фудбалски фан, сепак атмосферата на стадионот и проживувањето на истата низ дружење со хулиганите за него било возбудливо искуство.

Дирк-Боув смета дека аутирањето на спортистите е од големо значење за сите кои се дел од заедницата, но имаат потешкотии со истакнувањето на својата сексуална ориентација. Иако, за спортистите тоа е воедно и ризик, имајќи ја предвид групната динамика на спортските тимови и влијанието, како и опасноста од опаѓањет на нивната пазарната цена.

Извор: http://www.dw.de/gay-hooligan-documentary-broaches-taboo-with-animation/a-17575379