Организација со над 400 000 членови во одбрана на ЛГБТ

При годишната средба во Бостон, американската организација American Bar Association која вклучува над 400 000 членови и повеќе од 3 500 други структури, официјално ја усвои политиката на признавање на правата на лезбејките, геј, бисексуалците и трансродовите лица како човекови права.

Резолуција со четири параграфи беше усвоена од страна на 560 делегати, и истата содржи оспорување на закони, регулативи, правила и практики кои се дискриминирачки за ЛГБТ луѓето по основа на нивниот статус, како и ја охрабрува американската администрација да работи на забраната за дискриминација. 

Без конкретно да бидат именувани држави како Русија и Уганда, резолуцијата ги поттикнува владите на тие земји каде што постојат дискриминаторски закони, регулативи и практики да ги укинат истите со ,,целата делиберативна сила‘‘.

Исто така, ги поттикнува државите на обезбедување сигурност и еднаква заштита пред законот за сите ЛГБТ луѓе.

Организацијата ги повикува своите членови да работата на одбрана на жртвите на дискриминација кога постојат такви закони што ги таргетираат ЛГБТ луѓето, како и на тоа дека треба да ги прифатат и поддржат нивните колеги кои работат на случаи поврзани со човековите права.  

Извор: http://www.gaystarnews.com