Светските државници со поддршка за ЛГБТ еднаквоста

Во текот на месец септември, повеќе од 160 државници – министри и премиери, како и други политички советници, активисти и новинари присуствуваа на отворањето на 69-тата седница на Генералното собрание и ова присуство во Њу Јорк беше искористено за нивно вклучување во кампањата ,,Слободни и еднакви‘‘.   

,,Слободни и Еднакви‘‘ е глобална, јавна и едукативна кампања, прва од ваков вид, на Обединетите нации за еднаквост на лезбејките, геј, бисексуалците, трансродовите лица (ЛГБТ). За време на нејзиното управување со Канцеларијата за човекови права при ООН, Нави Пилај ја стартуваше Free & Equal (,,Слободни и Еднакви‘‘) кампањата. Проектот е имплементиран од Канцеларијата за човекови права на ООН во соработка со Purpose Фондацијата, со цел да се покрене свеста за хомофобичното и трансфобичното насилство и дискриминација, како и за промоција на поголема почит кон правата на ЛГБТ луѓето насекаде. 

Ангажираните во оваа кампања поставиле платформа со логото на ,,Слободни и еднакви‘‘ и ги повикале присутните да ја поддржат еднаквоста за лезбејките, геј, бисексуалците и трансродовите лица. Исходот од оваа акција е значителното изразување на волја за вклученост во кампањата. Меѓу оние кои беа дел од акцијата се и аргентинскиот министер за надворешни работи Хектор Марко Тимерман, шведскиот министер за надворешни работи Карл Билт, австрискиот претседател Хеинц Фишер, премиерот на Луксембург Хавиер Бетел, уругвајскиот министер за надворешни работи Луис Алмагро, белгискиот премиер Елио ди Рупо, француската министерка за развој Аник Жирардин и многу други. 

Во продолжение може да го погледнете видеото со дел од фотографиите подготвени за оваа кампања: