ИЛГА-Европа го поздравува укинувањето на законот за ’хомосексуална пропаганда’ во Молдавија

На 11 Октомври, 2013 година, Парламентот на Молдавија го укина законот со кој беше забранета ’хомосексуалната пропаганда’.

Овој закон беше изгласан на 23 мај, 2013 година и беше речиси идентичен со рускиот закон со кој се забранува дисеминацијата на информации за ЛГБТИ прашања.

ИЛГА-Европа ја критикуваше Молдавија за усвојувањето на толку дискриминаторски закон и организацијата е задоволна со неговото укинување.

Евелин Парадис, Извршна директорка на ИЛГА-Европа, рече:

“Ова е многу важен и значаен напредок. Молдависките парламентарци донесуа правилна одлука за укинување на закон, кој е дискриминаторски и спротивен со меѓународните обврски на државата во однос на човековите права и со нејзините аспирации за европска интеграција.

Искрено се  надеваме дека овој настан во Молдавија ќе стане пример за други европски држави, како што се Русија, Украина, Латвија и Литванија, каде слични закони се веќе изгласани, предложени за гласање или пак се расправа по нив.“

Законите со кои се забранува ’хомосексуалната пропаганда’ и со кои се ограничува слободата на изразувањето на ЛГБТИ луѓето беа прогласени за инкопатибилни со Европската конвенција за човекови права од страна на ’Венецијанската комисија’ и осудени од страна на Парламентарното собрание на Советот на Европа.

Според Мапата на виножитото за Европа (изработена од ИЛГА-Европа во мај, 2013), Молдавија беше на 46-тото место од 49 европски држави во однос на закони и политики кои имаат влијание врз човековите права на ЛГБТИ луѓето.

Извор: http://ilga-europe.org/home/news/for_media/media_releases/ilga_europe_welcomes_the_abolition_on_homosexual_propaganda_law_in_moldova