Франција усвои нова и прогресивна процедура за правно признавање на родот

На 12 октомври, ова среда, во народното собрание на Франција, на пленарна седница се расправаше и гласаше за т.н. Закон на 21 век (La loi sur la justice au XX1eme siècle), каде што меѓудругото се вклучени и одредби кои се однесуваат на правното признавање на родот. 

Според ажурираните постапки и процедури, транс луѓето нема да мора да бидат стерилизирани со цел да им биде правно признат нивниот вистински род. Дополнително, нема да биде потребна ниту документација за медицински третмани како доказ, и тоа е опфатено во предложените амандамни, претставени од страна на Сенатот, пред неколку недели. Исто така, овие решенија ќе им овозможат на еманципираните малолетници да имаат пристап до бенефициите кои ќе ги понуди законот.

„Упатувам честитки до сите транс луѓе во Франција, како и активистичките движења кои правеа напори за да се стигне до ова конечна и суштинска промена!“ изјави Евелин Паради, извршнатса директорка на ИЛГА-Европа. „Ова е знак за јасен прогрес – уште една европска земја ја напушти својата срамна пракса на стерилизација и медикализација“ – дополнува таа. 

Сепак, ревидираните законски решенија се’ уште не се доволни во делот за кој транс активистите организираа и спроведуваа кампањи, а тоа е целосен пристап на малолетниците до сите процедури, како и тоа дека процедурите не се базирани на себе-одредување. Ова значи дека транс луѓето и понатаму ќе треба да одат на суд, пред да им биде признаен нивниот родов идентитет. 

Во едно од видеата, кои беа дел од кампањата на транс активистите, Рубен посочува „Идеален свет, според мене, би бил оној во кој ќе престанеме да се осудуваме едни со други, каде што ќе допуштиме меѓусебно да ги живееме своите животи, на начин на кој сме избрале…“

Des droits pour les trans en France (English subtitles) from ILGA-Europe on Vimeo.

И покрај тоа што овој веќе усвоен закон не ги содржи 100% најдобрите решенија, сепак претставува голем чекор кон светот за кој зборува Рубен. 

Извор: ilga-europe.org