Момчето од “Humans of New York” кое не‘ трогна сите

Додека многумина од нас, низ целиот свет, ја славевме еднаквоста со одлуката на Врховниот суд на Соединетите американски држави, со која се прогласи за легална брачната еднаквост, на територијата на сите 50 држави, некои и понатаму продолжија со својата лична борба околу хомосексуалноста.

Брандон Стантон, фотографот и создавачот на виралната серија фотографии под наслов „Луѓето од Њу Јорк“, минатата недела постави фотографија со младо момче, расплакано, кое седи на тротоар. Насловот на фотографијата, и истовремено, изјавата на тоа момче беше:
„Јас сум хомосексуалец, и исплашен сум за тоа како ќе изгледа мојата иднина, и дека луѓето нема да ме сакаат“. 

Фотографијата, брзо се рашири на социјалните мрежи, и го привлече вниманието на голем дел од глобалната ЛГБТИ заедница и нејзините поддржувачи. Една од реакциите на таквите поддржувачи, беше она на Хилари Клинтон. Само по неколку часа по поставувањето на фотографијата, претходната прва дама и актуелната кандидатка за претседател на САД, коментираше на истата:

„Претпоставка од една возрасна: Твојата иднина ќе биде одлична. Ќе бидеш изненаден од своите потенцијали, и фантастичните нешта што ќе можеш да ги направиш. Пронајди ги луѓето кои те сакаат и веруваат во тебе – такви ги има многу.“ 

Нејзиниот коментар беше проследен со на 76 000 лајкови на фејсбук. Дали тоа било еден искрен гест или паметен кампањски потег, останува како дилема, но овој коментар секако е добредојден како порака до Републиканската партија и нивната реакција на одлуката за брачната еднаквост.  

Веднаш по коментарот на Клинтон, следува и коментар на Елен ДеЏенерис, која порачува: „Не само што ќе им се допаѓаш на луѓето, туку тие и ќе те сакаат. Само што слушнав за тебе и веќе те сакам.“

Not only will people like you, they’ll love you. I just heard of you and I love you already.

Извор: www.out.com