Белград под опсада!

Белград е под полициска опсада од синоќа, кога околу 23 часот се одржа протестот против одржувањето на Поворката на гордоста, организиран од страна на движењето ,,Двери‘‘. На истиот присуствуваа навивачки групи, хулигани, но и свештени лица со ставот дека ,,Поворката на гордоста не е благословена од Бог, туку благословен е овој собир‘‘. 

Пред почетокот на овој собир, еден од предводниците на ,,Двери‘‘ Бошко Обрадовиќ изјави дека доколу Бирото за координација на работата на безбедносните служби ја одобри Поворката, ќе следуваат ,,низа остри акции‘‘. Исто така, за време на собирот од страна на движењето ,,Двери‘‘ било најавено дека денес (недела) во 16 часот ќе биде организирана ,,семејна прошетка‘‘ низ централните градски улици, иако денес во Белград се забранети било какви собири, со исклучок на Поворката на гордоста. 

На следниот линк е претставена хронологијата на настани од синоќешните случувања во Белград – http://www.kurir-info.rs/vesti/drustvo/trg-republike-pokret-dveri-zapoceo-portest-protiv-parade-ponosa-clanak-1574439.  

Од оваа утро центарот на градот, заради одржувањето на Поворката е блокиран целосно, како за автомобили, така и за пешаците, а автобусите и транваите се движат со променети дневни редови. На улиците на Белград, може да се забележат голем број на припадници па различни полициски единици, како и борбени возила. Организаторите на Поворката најавија дека собирот ќе започне околу 11.30 часот пред зградата на Владата во Србија од каде што Поворката ќе тргне во 12 часот по улизата Кнез Милош и ќе заврши пред градското собрание на Белград. 

На полноќ истече законскиот рок од 12 саати кога полицијата треба да им соопшти на организаторите на собирот дека истиот треба да биде откажан.