Олимпискиот шампион Иан Торп се ,,аутираше‘‘

Пливачот Иан Торп, олимписки шампион, потврди јавно дека е хомосексуалец во интервју на телевизискиот канал “Sunday Night”. Подолго време постоеја шпекулации за сексуалната ориентација на Торп и за неговата хомосексуалност, но таквите наводи тој ги отфрла во својата автобиографија ,,Ова сум јас‘‘ (2012) и истите ги оцени за навредливи.

Но во последното интервју, Торп јавно се изјасни за својата хомосексуалност и се ,,аутираше‘‘ пред публиката на “The Sydney Morning Herald”.

,,Иан Торп, од секогаш бил меѓу првите на листата, со кои сум сакал да направам интервју‘‘ вели Паркинсон, и дополнува ,,Причините се очигледни. Не можат сите атлети да изјават дека се најдобри на сите времиња. Иан тоа го може.‘‘  

Исто така, Паркинсон (кој го направи интервјуто со Иан) за австралискиот Телеграф изјави ,,Мислам дека неговата сексуалност е само негова работа. Но ова е едно од најдобрите интервјуа што сум ги направил, имајќи го предвид говорењето на Иан за депресијата и слични појави.‘‘

Торп (31 година), има освоено пет златни медали, 3 сребрени и еден бронзен за време на Олимписките игри во 2000 и 2004 година. Исто така, соборил 22 светски рекорди. Но се справувал со депресија и зависност од дроги, и неодмана се пријавил за престојување во рехабилитациски центар.

Колегата и олимписки пливач Метју Мичман, изрази поддршка за Торп со надеж дека и публиката ќе го прифати и поддржи. За Телеграф тој изјави ,,Можам целосно да разберам колку бил тежок овој процес за него‘‘, понатаму Мичман додава ,,Навистина се надевам дека истиот ќе придонесе кон негов спокој, а медиумите и публиката ќе настапат со целосна почит и поддршка, како што беше во мојот случај на ,,аутирање‘‘ во 2008 година. Австралиските медиуми и публика имаат прекрасна можност за поставување на пример пред децата кои ги споделуваат позициите на Иан‘‘.   

Подоле може да погледнете дел од интервјуто:

Извор: http://www.advocate.com