Анти-геј градоначалникот го венча својот геј син

Францускиот градоначалник познат по својата цврста спротивставеност на државната одлука – од минатата година – за дозволување на геј бракови, сепак направи отстапки за некои истополови заедници кои може да бидат дозволени.   

Рејмонд Барде, градоначакник на малиот југо-источен град Вил-ла-Гранд, минатата недела, направи исклучок од неговите анти-геј брачни принципи и го организираше венчањето на неговиоТ син, за кого дознал дека е геј.  

,,Никогаш не се вели никогаш‘‘ – изјави Барде после церемонијата, зборувајќи за регионалниот дневен весник Le Dauphine дека ,,секогаш мислите дека ќе му се случи на некој друг, а не на вас самите‘‘. 

,,Ако е тој среќен така – добро за него‘‘ додава Барде. 

Но и покрај емотивните промени во однос на неговиот син, Барде изјави дека непроменето останува на своите опонирачки ставови за геј браковите генерално, и дека нема намера да учествува во венчавање на истополови парови во иднина. 

,,Не, не го променив мислењето за тоа. Мислам дека е против природата.‘‘ изјави тој, инсистирајќи на тоа дека не е анти-геј активист кој би ги застапувал своите ставови на улица и на протести. 

,,Едноставно имам своја филозофија‘‘ додава тој. 

Геј браковите се жешка тема во Франција. Со легализрањето во мај, минатата година, се засили опонирањето од страна на поконзервативни страни, како што е движењето кое организираше неколку протести по законските промени – Manif Pour Tous. 

Извор: http://www.thelocal.fr