Светската здравствена организација (СЗО), за прв пат објави дека сите мажи кои имаат секс со мажи треба да земат анти-ретровирусни лекови, во обид да се постигне смалување на бројот на ХИВ позитивни во геј заедниците низ целиот свет.
Во својот извештај, СЗО препорачува на сите мажи кои имаат секс со мажи сериозно да земат предвид конзумирање на анти-ретровирусни лекови како развиен метод за превенирање на проширувањето на ХИВ инфекциите, дури и тогаш кога го немаат вирусот.
Во извештајот е наведено дека во прилог на другите форми на заштита како кондоми и редовни тестирања, зголеменото користење на анти-ретровирусни лекови во геј заедниците може да има значително влијание во борбата со ХИВ, и може да се превенираат нови милион инфекции во следните десет години, според СЗО.
Исто така, во извештајот е наведено дека постои веројатност од 19 пати повеќе хомосексуалните мажи да имаат ХИВ, и затоа охрабрувањето за користење на анти-ретровирусни лекови од страна на геј мажите е насочено кон намалување на оваа стапка.
Некои научници предвидуваат дека преку користењето на анти-ретровирусните лекови од страна на сите геј мажи, може да го намали проширувањето на ХИВ од 20% до 25%.
Зборувајќи за објавениот извештај, Готфрид Хирншал, кој е претпоставен na ХИВ оделот во СЗО, вели дека проследиле ,,експлодирачка епидемија‘‘ во однос на стапката на проширеноста на ХИВ во геј заедниците низ светотот.
Тој вели дека сето тоа било сведено на многу порелаксиран однос кон ХИВ, откако новите лекови кои почнале да се употребуваат овозможиле да се живее со вирусот.
Исто така, вели дека анти-ретровирусните лекови може да помогнат за намалување на бројот на заразени, и со тоа ги поддржува препораките на СЗО.
Голем број на студии кои се бават со влијанието на анти-ретровирусните лекови на превенирањето на трансмисија на ХИВ, покажаа дека тие што ги конзумираат лековите редовно имаат значително намалени шанси за добивање или пренесување на вирусот.
Студијата, објавена во 2010 година за Pre-Exposure Prophylaxis како метод на превенција на ХИВ помеѓу мажите кои имаат секс со мажи, како една од најрелевантните студии во оваа област, укажа на тоа дека користењето на анти-ретровирусни лекови може да го намали ризикот од инфекција кај мажите кои имаат секс со мажи дури и до 92%.
Исто така, во насока на барање најдобар начин за превернирање на проширување на ХИВ во геј заедниците, извештајот е фокусиран и на други високо-ризични групи како што се трансродовите жени, сексуалните работнички и луѓето кои користат дроги.
Според една студија, трансродовите жени и корисниците на дроги се 50 пати поподлежни на добивање на ХИВ, додека сексуалните работнички се 14 пати поподлежни на добивање на вирусот во споредба со останатиот дел од населението.
Извештајот препорачува до националните агенции кои се бават со превенирање на ширењето на ХИВ, дека треба да бидат поконцентрирани на овие групи, затоа што истите се дел од новата половина заразени на светско ниво.
Извор: http://www.independent.co.uk
