Октомври е месецот кога се слави ЛГБТ историјата на Соединетите Американски Држави.
Оваа прослава за прв пат случила во 1994 година, иако борбата за социјална, политичка и економска еднаквост датира од многу порано.
Во новиот век, ги согледуваме големите победи и порази, доживеани преку социјалните и правните борби со цел достигнување еднаквост за сите ЛГБТИ луѓе, и тоа не само во САД, туку во целиот свет.
Месецот (октомври) на ЛГБТ историјата се одбележува со инсипирацијата од оние ‘‘drag queen‘‘ кои јасно и гласно ги изразуваат своите ставови, со жалење за убиените политичари и сеќавањата за нив, со сеќавање на загубата на оние кои беа ХИВ позитивни, со поттик за борба за брачна еднаквост и на тоа слично.
Во чест на таквите настани и многу други, подолу ќе бидат посочени 8 држави каде што се создаваше ЛГБТИ историјата на САД.
Илиноис, 1962
Пред правата на хомосексуалците да се интернационализираат како тема, Илиноис го предводеше патот со тоа што ги повлече законите кои се однесуваа на содомијата. Со тоа, Илионис ја декриминализираше хомосексуалноста пред истото да го направат останатите 49 држави.
Њу Јорк, 1969
Полициските упади во геј-баровите беа многу честа појава во 50-тите и 60-тите години од минатиот век. Отпорот кон тоа не беше така честа појава, се до судирот помеѓу полицијата и геј-заедницата при упадот на припадниците на полициските сили во Stonewall Inn. Таа ноќ, полицијата беше пресретната од ЛГБТИ луѓе кои потоа организираа протести со цел да алармираат за насилството кон оваа заедница. Протестите поттикнати од настанот во Stonewall Inn, често се сметаат за почетна точка на движењето за правата на ЛГБТИ луѓето во САД.
Калифорнија, 1978
Заедно со Сан Франциско и Лос Анџелес, Калифорнија се смета за третата држава која претставува ,,геј-Мека‘‘ на западната обала. Всушност, Харви Милк во 1997 беше првиот хомосексуалец кој стапи на јавна функција во Калифорнија, и покрај тоа што претходно изгуби во неколку изборни циклуси. Тој беше познат и почитуван како градоначалникот од Кастро улицата. Милк е убиен во својата канцеларија, на 48-годишна возраст.
Вашингтон, 1979
Првата национална Поворка за правата на хомосексуалците беше организирана во престолнината на државата.
Околу 100 000 луѓе присуствуваа на оваа Поворка, а истата година убиецот на Харви Милк беше осуден на 7 години затвор. Илјадници ЛГБТИ луѓе излегоа на улиците да бараат еднакви граѓански права.
Мисури, 1994
Идејата за месец посветен на ЛГБТИ историјата потекнува од Мисури, односно од Родни Вилсон, професор во средно училиште од Мисури. На своите 29 години, овој професор на предавањата за Холокаустот, зборувал и за тоа дека и тој можел да биде убиен тогаш, само заради тоа што е хомосексуалец. Оваа идеја била поддржана од многу невладини организации кои работат во областа на граѓанските права, и е поврзана со националниот ден на ,,аутирањето‘‘ – 11 октомври.
Вајоминг, 1998
Оваа година на 6-ти октомври, студентот Матју Шепард кој бил отворено хомосексуалец е мачен и оставен да умре, од страна на два мажи кои ги сретнал во бар. Умрел денови подоцна од кобната вечер, заради повреди на главата. Имал само 21 година. Во судското процесуирање на случајот, се заклучило дека Шепард бил таргетиран заради неговата сексуалност. Сепак сторителите не можеле да бидат товaрени за дело од омраза, затоа што во тоа време државата Вајоминг немала соодветно национално законодавство коe ги третира делата од омраза.
Овој случај ја покренал дебатата за делата од омраза како институт, на национално и федерално ниво. Овој случај ја иницирал криминализацијата на нападите по основ на род, сексуална ориентација и родов идентитет, и во 2009 година е усвоен таков закон.
Тексас, 2003
Помеѓу државите кои ја криминализирале содомијата до 2003 година, била и државата Тексас. Случајот кој ја отворил националната дебата околу содомијата е лоциран во 1998 кога полицијата го фатила Џон Лоренс при сексуален акт со друг маж. Лоренс бил пријавен од страна на претходниот партнер на мажот со кој имал секс. Лоренс и неговиот сексуален партнер, и покрај тоа што биле ,,зад затворени врати‘‘, биле уапсени заради девијантно сексуално однесување, што од страна на нивниот адвокат било искористено како тројански коњ во предизвикувањето на некои уставни одредби. Во 2003 година, Врховниот суд го прогласил законот за содомија како неуставен и невалиден, а тоа се однесувало и на останатите 13 држави кои ја имале криминализирано содомијата.
Масачусетс, 2004
Ова е првата држава во САД, и шестата по ред на светска ниво според својата јусдикција, која го легализираше истополовиот брак.
Отворајќи го судирот помеѓу државното и федерлното признавање на истополовите бракови, во 2001 година некои активисти покренаа судски случај, аргументирајќи дека непризнавањето на истополовите бракови и брачната нееднаквост со хетеросексуалните двојки претставува нарушување на уставот.
Првиот истополов брак беше склучен на 17-ти мај, во 2004 година на полноќ.
Извор: http://www.gaystarnews.com
