Во Лондон се одржа конференцијата „Пристап до правда“ (Acces to Justice, A2J)

„Пристап до правда“ (Acces to Justice, A2J) е наслов и тема на конференцијата која се одржа во периодот од 6 до 9 декември, во Лондон, организирана од страна на најголемата британска организација Стоунвол, на која присуствуваа нејзините партнерски организации. 
Претставник на ЛГБТИ Центарот за поддршка, на конференцијата, беше програмскиот директор на Центарот, Кочо Андоновски. 

Агендата предвиде и одржување на подготвителна конференција (Civil Society Pre-Conference), на која учесниците и учесничките од ЛГБТИ организациите од земјите на Западен Балкан и Турција, ги мапираа најголемите проблеми во работата со институциите, по прашање на пристапот во случаи на дела од омраза кон ЛГБТИ луѓето, како и разговараа за можните решенија на таквите проблеми. Другите два дена, 7 и 8 декември, агендата беше концентрирана на потенцијалните модели на соработка со институциите, при што како примери беа искористени соработките со британските институции – полиција, обвинителство, судови.  

Последниот ден на конференцијата – Civil Society Strategy Meeting (international groups) беше посветен на претставниците на граѓанското општество на Велика Британија и регионот на Западен Балкан и Турција, каде што преку интерактивна комуникација се пристапи на размена на идеи околу тоа како да се подобри работата со националните институции. 

Во четвртокот, 8 декември, по повод одбележување на Меѓународниот ден на човековите права, беше приреден свечен прием на т.н. настан за вмрежување, во британското министерство за надворешни работи, каде што официјално се обрати извршниот директор на ERA-e, Амарилдо Фецанји.

На конференцијата присуствуваа активисти и активистки од Албанија (Aleanca и Pink Embassy), Босна и Херцеговина (Sarajevski otvoreni centar и Tuzlanski otvoreni centar), Црна Гора (Juventas и Kvir Montenegro), Македонија (ЛГБТИ Центарт за поддршка и Субверзивен фронт), Србија (Gayten-LGBT и Belgrade pride), Турција (Kaos GL, SPOD и Pembe Hayat), Косово (CSGD и QESH), како и претставници на шкотската полиција, Министерството за надворешни работи, Комонвелтот, лондонската полиција, советници од Советот на Европа и членови на ИЛГА Европа.