Како родителите да НЕ се однесуваат кон своите ЛГБТ деца

Анонимно сниманото видео, приложено подоле, ја покажува реакцијата на едно семејство откако нивниот син им кажува дека е геј. Видеото содржи повикување на Бибилијата од страна на семејството, нивно проколнување на сопствениот син, бркање од дома, физички напад, како и емотивно насилство. 

Секој родител на ЛГБТ дете треба да го погледне видеото и да знае како НЕ треба да се однесува, односно да слушне и види како тоа изгледа. 

За среќа, оваа реакција полека опаѓа во САД, но видеото е доказ дека се’ уште е реалност во нечии домови, имајќи предвид дека 40% од бегствата од дома и останувањето бездомници се ЛГБТ деца, и дека помеѓу 1.6 и 2.8 милиони млади бегаат од дома секоја година.

Даниел Ашли Пирс од Џорџија прикачи видео на неговиот фејсбук профил во вторник. Истото видео кое подоцна беше прикачено на Reddit и Youtube, достигна голема виралност со околу 850 000 прегледи за само два дена. Партнерот на Даниел отворил профил на GoFoundMe страната за помош околу трошоците за домување. Според информациите на The New Civil Rights Movement, Даниел сега е на безбедно, и живее со сигурен роднина, нo дека е скршен заради се‘ што се случило. 

Видеото јасно посочува на реакцијата на маќеата на Даниел која знаела од секогаш дека тој е геј, но дека сепак тој направил избор да биде геј(?). 

Според информациите на The Huffington Post Даниел се ,,аутирал‘‘ минатиот октомври. Тогаш неговиот татко не реагирал никако на тоа, а неговата маќеа покажувала некаква поддршка. Сепак, сето тоа имало пресврт во најтешката среда за Даниел, кога морал да го претрпе она што тој го нарекува – одложена интервенција, при што учествувеале неговиот татко, маќеа и баба и дедо. Целата интеракција, Даниел успеал да ја сними.  

Извор: http://www.thenewcivilrightsmovement.com