Првиот Шелтер центар “STREHA” за ЛГБТИ луѓе кои останале надвор од своите домови, односно претрпуваат семејно насилство заради нивната сексуална ориентација и родов идентитет или живеат под опасни околности е отворен во Тирана, Албанија. Преку обезбедувањето на времено домување, ќе бидат понудени различни сервиси кои ќи вклучуваат и тренинзи за животни вештини, психо-социјална помош, како и стручни тренинзи.
Албанските организации “Aleanca LGBT” и “ProLGBT” во заедничка соработка го овозможиле овој единствен центар од таков тип.
За време на отворањето, центарот “STREHA” бил посетен од страна на Министерот за социјална добросостојба и млади Ерион Велиај, Амбасадорот на Велика Британија во Албанија, главниот заменик на мисијата на американската Амбасада во Тирана, програмскиот директор на УСАИД во Албанија, извршниот директор на Државната агенција за поддршка на граѓанските здруженија, како и извршниот директор на Assist Impact.
Џени Карај и Кристи Пиндери ги предводеа гостите низ новите простории на центарот, и ги споделија предизвиците со кои центарот може да се соочи во иднина.
Пиндери истакна дека ,,насилството против ЛГБТ луѓето нужно не е застапено секој ден на улиците, (туку) овој вид на насилство е прикриено и систематско и се протега низ нашите домови, училишта и други простори, и заради тие причини “STREHA” пред се‘ е центар за ЛГБТ жртви на семејно насилство‘‘.
Министерот Велиај, по тој повод рече: ,,Националните сервиси за социјални работи ќе бидат збогатени со овој независен нов сервис за ЛГБТ луѓето‘‘, затоа што според него ,,не постои разлика помеѓу некој што е прогонуван заради тоа што бил сексуално експлоатиран и подложен на трговија, и разлика помеѓу некој што е прогонуван од страна на насилни членови на семејството, и разлика помеѓу некоj што бил злоупотребен заради сексуална ориентација и родов идентитет. … И затоа што не постои таква разлика, кога човековите права се нарушени не треба да правиме разлика кога треба да им се обезбедат сервиси на овие луѓе.‘‘ ,,Европска Албанија‘‘ тој додава ,,е држава каде што сите се застапени‘‘.
УСАИД е главниот спонзор на овој пилот-проект, во партнерство со “Assist Impact”. Assist Impact, е албанска невладина организација чија работа е фокусирана на градење капацитети граѓанските здруженија во Албанија, асоцирање, како и соработка со владини агенции. Во претходниот период, Assist Impact работела заедно со ProLGBT, како и Aleanca LGBT, со цел здруженијата да бидат поефективни во менаџирањето на комплексни проекти, како што е Шелтер центарот.
Примарната активност на “STREHA” ќе биде домувањето на ЛГБТ луѓето во период од максимум 6 месеци, каде што ќе бидат вклучени и медицинската грижа ако е потребно. Базирано на индивидуалните планови, центарот ќе развива дневни и периодични програми за секој од корисниците на услугите кои ќе бидат обезбедени во истиот, а ќе се однесуваат на стручни тренинзи и тренинзи за животни вештини, како и други социјални и културни активности. Центарот исто така ќе преговара со државните и приватните институции за потенцијално да обезбеди вработување за корисниците на нивните услуги. Со персонал од 12 луѓе, Шелтер центарот има капацитет од 8 кревети (четири за жени и четири за мажи).
Повеќе информации може да се добијат директно од веб страната на овој Шелтер центар: http://strehalgbt.al/.
Извор: historia-ime.com
