ООН со резолуција за дискриминацијата по основ на сексуална ориентација и родов идентитет

Советот за човекови права на Организацијата на обединетите нации (ООН) вчера ја усвои резолуцијата со која се осудува диксриминацијата и насилството над ЛГБТ луѓето, а меѓу земјите кои гласаа „за“ е и Македонија. Резолуцијата изразува длабока загриженост за „чиновите на насилство и дискриминација, во сите региони во светот, насочени кон индивидуалци поради нивната сексуална ориентација или родов идентитет“.

Околу една четвртина од земјите-членки на ООН имаат претставници во Советот за човекови права на ООН. „За“ резолуцијата гласаа 25 земји, од кои две од Балканот – Македонија и Црна Гора. „Против“ се изјаснија 14 земји, меѓу кои Русија и Саудиска Арабија, чиј претставник ја нарече резолуцијата „кршење на чоевековите права“. Седум земји, меѓу кои Индија и Кина, се воздржаа од гласање.

Резолуцијата, предложена на почетокот на месецов исто така го поздравува „позитивниот развој на меѓународно, регионално и национално ниво во борбата против дискриминацијата заснована на сексуалната ориентација и родовиот идентитет“.

Усвојувањето на документот го поздрави Jessica Stern од Меѓународната ЛГБТ комисија за човекови права:
„Советот направи фундаментален чекор напред со тоа што го зацврсти еден од клучните принципи на Обединетите нации – еднаквоста во правата и достоинството за сите“, изјави таа.

Гласот на Македонија „за“ оваа резолуција е изненадувачки, имајќи ги предвид официјалните политики кои во основа се хомофобични, односно не се насочени кон гаранции за правата на ЛГБТИ луѓето.  

Извор: http://www.radiomof.mk