Американските вооружени сили на Поворката на гордоста во Вашингтон

Американската војска – ,,обоена‘‘ – одбележа историско учество на 39-тата главна Поворка на гордоста во Вашингтон, на која учествуваа околу 150 000 луѓе. 

Осумчлениот тим е првиот одбранбен тим на американските вооружени сили кој за прв пат во американската историја учествува на Поворката на гордоста. Претходниот след на одбиени покани од страна на американските вооружени сили, беше поврзано со отповиквањето на армијата од забраната за учество на хомосексуалците, лезбејките и бисексуалците – ,,Не прашувај, не кажувај!‘‘ (2011). Поминаа три години откако им беше дозволено на хомосексуалците, лезбејките и бисексуалците да бидат дел од вооружните сили на американската армија, и оваа година за прв пат дел од армијата прифати да учествува на Поворката на гордоста.

,,Знаевме дека може да бидеме одбиени, но сепак прашавме и тие прифатија‘‘ изјави Берни Делиа, претседател на директорскиот одбор на главната Поворка за Вашингтон Пост. ,,Мислам дека ова е од големо значење‘‘ дополни тој.
Изјавата на веб страна на главната Поворка гласи: ,,Многу сме горди што за прв пат во нашата земја оделот за одбрана ќе учествува на Поворката на гордоста. Ова е значаен чекор напред за заедницата во целост, како и засебно за оние припадници на ЛГБТИ заедницата кои се дел од вооружените сили.‘‘

Историската соработка помеѓу вооружените сили и заедницата следува само неколку недели, откако Пенсилванија стана 19-тата земја која ги одобри истполовите бракови.

Извор: http://www.huffingtonpost.com