Членовите на Европскиот Парламент го осудуваат хомофобичното насилство во Скопје

Во саботата, ЛГБТИ Центарот за поддршка во Скопје беше нападнат додека ЛГБТ лицата внатре гледаа филм во рамките на активностите на Неделата на гордоста.

ЛГБТИ Центарот во главниот град на ПЈРМ веќе беше нападнат годинава, но во тоа време внатре немаше никој.

Поворката на гордоста која беше планирана за сабота мораше да се откаже затоа што Министерството за внатрешни работи не можеше да ја гарантира безбедноста на маршот.

Досега ниту еден политичар го нема осудено нападот. И покрај нападот врз полициски службеник за време на дивеењето, Министерството за внатрешни работи досега нема излезено со официјална реакција.

Овие настани следат по агресивната и понижувачка кампања против ЛГБТ луѓето во македонските медиуми.

Членовите на Европскиот Парламент бурно реагираа на фактот што нападите продолжуваат. Ричард Ховит, известувач за Европскиот Парламент и член на Интер-групата за ЛГБТ, изјави: „Овој напад насочен против ЛГБТ заедницата во Скопје мора најостро да биде осуден од сите.“

„Им оддавам почит на организаторите на Неделата на гордоста во Скопје, за кои сум сигурен дека ќе останат силни и исправени по ова заплашување. Повторно ќе нагласам дека ЛГБТ правата се човекови права, и мора да се почитуваат.“

Членката на Европскиот Парламент Марие Корнелисен, која е член и на Интер-групата за ЛГБТ, изјави: „Овој инцидент уште еднаш покажува дека хомофобијата е се’ уште длабоко вкоренета во Македонија. Особено сум разочарана од фактот што владата веднаш не го осуди насилството. Владата мора да даде едногласна поддршка и да преземе цврсти мерки за ЛГБТ правата, наместо само да дава празни изјави кога ќе биде повикана на тоа.“

Минатиот месец, Европскиот Парламент го усвои Годишниот извештај за напредокот на Македонија во процесот на пристапување кон ЕУ, и веќе ги посочи неприфатливите насилнички дејствија