Француски активист за геј права убиен во тепачка со скинхедси

Во нападот кој ги зголеми стравувањата од пораст на ултра-десничарското насилство, млад активист за геј правата беше убиен од страна група скинхедси, во срцето на најголемата трговска област во Париз.

Политичките тензии во Франција се многу високи, како резултат на повеќемесечните протести против легализацијата на истополовите бракови, кои понекогаш завршуваа со судири помеѓу полициските сили и припадници на екстремната десница.

Министерот за внатрешни работи на Франција, Мануел Валс, изјави дека тепачката избила во средата навечер помеѓу две групи на млади луѓе во една улица за пешаци, оддалечена само неколку чекори од познатата трговска куќа „Printemps“.

Според Валс, кој е многу почитуван припадник на социјалистичката влада на Претседателот Франсоа Холанд, осумнаесет годишниот активист бил тепан од страна на неколку скинхедси.

Според извештаите, активистот Клемент Мерик бил удиран од страна на неколку мажи со избричени глави кои користеле боксирачи. Додека паѓал, Клемент Мерик удрил со главата во метален столб, по што бил однесен во болница, каде му била прогласена церебрална смрт.

Портпаролот на Обвинителството на Париз, Агнес Тиболт-Лекувр, изјави дека Мерик починал во четвртокот.

Тиболт-Лекувр изјави и дека се уапсени четворица осомничени, на возраст помеѓу 20-37 години, за кои се верува дека се поврзани со екстремно десничарски движења во земјата.

Се уште е нејасно како избила и се развила тепачката и колку лица биле инволвирани во бруталниот настан кој се случил на преполната улица на која има бројни кафе барови и продавници.

Претседателот, заедно со политичарите од десницата, како и оние од левицата, остро го осудија насилството. Валс го фокусираше својот гнев на скинхедсите.

„Нема место за постоење на мали нео-Нацистички групи, чиј непријател е целата нација“, тој изјави, додавајќи дека „Во срцето на ова е една група од екстремната десница… Постои дискурс на омраза и клима која е поволна за тој дискурс. Треба да посветиме внимание на ова, битејќи тоа претставува закана за нашите вредности“.

Според универзитетот, Мерик беше студент на Sciences Po , еден од најпрестижните париски унуверзитети.

Извор: LGBTQNATION, 13.06.2013