Извештај од тркалезната маса насловена „Презентација на моделот на Законот за родов идентитет“

Моделот на Законот за родов идентитет беше презентиран во вторникот, на 19ти ноември, на тркалезната маса организирана од Gayten-LGBT, Центарот за промоција на човековите права на ЛГБТИК луѓето, во канцелариите на Народниот Правобранител на Србија, во Белград.

Моделот на Законот е резултат на заедничките напори на повеќе членови на Gayten-LGBT, правни експерти, транс активисти и самите транс луѓе.

Говорници на тркалезната маса беа правни експерти, медицински експерти, антрополози, експерти за човекови права, претставници од државните институции, транс активисти и транс луѓе, а имаше учесници и од владините институции, домашни и меѓународни институции, и невладини организации кои работат со човекови права. Посебен вид на поддршка, во вид на писма за поддршка, даде Transgender Europe, најголемата европска организација за правата на транс луѓето.

На затворањето на тркалезната маса беше заклучено дека Моделот на Законот за родов идентитет е значаен придонес за подобрувањето на ситуацијата со правата на транс луѓето, и во правната и во медицинската сфера (вклучително и забраната за присилна стерилизација). Исто така, ја забрзува и олеснува административната постапка за промена на документи, штити од дискриминација и на транс луѓето им ги гарантира правата и обврските во однос на работата, вработувањето, осигурувањето и имотот, како и брачниот и семејниот статус.

Моделот, засега само на српски јазик, може да се најде на сајтот на Gayten-LGBT, www.transserbia.org, и може да се преземе тука: http://transserbia.org/images/dokumenta/Model%20Zakona%20o%20rodnom%20identitetu.pdf. Сугестиите и коментарите се добредојдени на: zakonrodniidentitet@gmail.com

Извор: https://mail.google.com/mail/u/0/?ui=2&ik=631bbf4f1c&view=att&th=1427f3f737311655&attid=0.1&disp=safe&realattid=f_hob96iy41&zw