Масовно љубење против хомофобијата

Стотина луѓе, меѓу кои поголем број на студенти кои го поддржуваат концептот на еднаквост за сите во остварувањето на правите, се собраа во супермаркетот Сејнсбури со цел да учествуваат во настанот на масовно љубење. Таквиот настан беше организиран во знак на поддршка на лезбејскиот пар на кој му беше забрането љубењето во овој центар на одбележувањето на националниот ден на аутирањето во САД. 

Овој пар имал конфликт со обезбедувањето на супермаркетот, откако иститот бил спречен во бакнување и тоа било оценето како непримерно однесување. Двадесет и двегодишната студентка Анабел Пајџ вели дека кратко ја бакнала својата девојка, и заради тоа им пристапил член на обезбедувањето кој се заканил со исфрлање од објектот, доколку тие продолжат да покажуваат знаци на нежност.

Ланецот на продавници Сејнсбури демантира дека од парот било побарано да го напуштат супермаркетот. Претставници од супермаркетот и‘ се извиниле на Пајџ и и‘ понудиле опција за донирање на 160 долари за било која цел што таа ќе ја одреди. 

Колегите од Универзитетот на кој студира Пајџ, не биле задоволни од таквиот гест со ставот дека тоа не е доволно за борбата против хомофобија. Затоа одлучиле да протестираат против оваа ситуација, со истакнување на борбата за еднаквост. 

Извор: http://queer.hr