Уставна одлука против државно-спонзорирана дискриминација

Оспорувањето на анти-хомосексуалниот Закон во Уганда, според Amnesty International значи чекор напред во борбата со државно-спонзорираната дискриминација.

,,Иако омразениот Закон против хомосексуалноста во Уганда, беше оспорен по основа на техничка недоследност, ова е значајна победа за активистите во Уганда кои ја водеа кампањата против овој закон. Имајќи предвид дека истиот беше предложен уште во 2009-та година, овие активисти често се соочуваа со опасност по нивната безбедност на линијата на спротивставување и гаранции за човековите права како дел од правото во Уганда‘‘ изјавува Сара Џексон, заменик регионален директор за Африка, Amnesty International. 

Таа дополнува ,,Се надеваме дека овој чекор напред ќе се преточи во вистински напредок за животот на лезбејките, геј, бисексуалците и трансродовите луѓе во Уганда, кои долго време беа заробени во маѓепсаниот круг на дискриминација, закани, злоупотреби и неправда.‘‘

Откако овој Законт против хомосексуалноста стапи на сила во март, 2014 година, Amnesty International документираше зголемен број на апсења, полициска злоупотреба и примена на сила над лезбејки, геј, бисексуалци, трансродови и интерсекс лица. 

Многумина од нив ги изгубија работните места, останаа бездомници, и беа присилени да ја напуштата земјата.

Уставниот суд во Уганда одлучи дека законот е ,,безвреден и неважечки‘‘, затоа што при усвојувањето во парламентот, во декември 2013 година, немало доволен број на пратеници кои ќе гласаат.  

Но членот 145 од Кривичниот законик на Уганда, кој е во сила, и понатаму го криминализира ,,признанието за блудноста на личноста која е против природниот ред‘‘. 

Извор: http://www.amnesty.org