Делегатите на републиканската партија, во вторникот, во Кливленд на Изборната конвенција и официјално го избраа Доналд Трамп за кандидат за претседател и трката за Белата куќа која ќе заврши во ноември. Тоа е и службена потврда дека популистичкиот милјардер ја презема партијата и ќе ја претставува републиканската партија. Но тешко дека овој т.н. 70 годишен wannabe претседател на САД со својата екстремна хомофобична политичка платформа ќе ги оствари своите ветувања со кои „повторно ќе ја направи Америка голем“.
Токму сега и како службен кандидат на републиканците во Америка, Трамп со своите несомнени екстремни ставови кон ЛГБТ луѓето, а и кон други малцински групи заокружува една таква политичка програма која ќе биде опасна по многу социјални групи во американското општество, доколку победи на изборите во ноември. Така, хомофобијата и скратувањето на некои од темелните граѓански права на ЛГБТ луѓето се во главниот дел на програмата.
Уште на почетокот на ова политичка програма, која според NY Times е една од најекстремните во досегашната историја на републиканската партија, дека овој политички субјект на чело со Трамп ќе има намера да ги врати ЛГБТ луѓето во „плакар“, бидејќи тоа според нив останува единствениот потег со кој Америка пак ќе биде голема, како што е и најавено во слоганот на Трамп.
Во платформата која генерално ги симболизира начелата и амбициите на републиканската партија, изречно се наведува дека не ја признава одлуката на Врховниот суд за редифиниција на брачната заедница и најавува поништување на брачната еднаквост во САД, бидејќи единствено според нив треба да е признаена брачната заедница помеѓу еден маж и една жена.
Авторите на платформата имаат целосно одбивен однос кон мислењето на мнозинскиот број Американци (61%) кои ја поддржуваат брачната еднаквост, па дури и имаат одбивен однос кон младите републиканци кои исто така се ЗА брачната еднаквост.
Исто така, авторите имаат и спротивен став на борбата против дискриминација, која досега беше официјална со тоа што државата водеше битки со оние бизинси кои одбиваа да ги продаваат своите производи или услоги на луѓе со потреби „кои не се во склад со нивните верски убедувања“, а наспроти тоа авторите на платформата се за спроведување на т.н. „конзервативни терапии“ со кои се „лечи хомосексуалноста“.
Медиумите оценуваат дека републиканците со ова програма покажуваат како воопшто не се во допир со американската реалност и дека овој документ е лишен од здрав разум, а како таков не е она што е потребно за народот ако станува збор за политички напредок.
Извор: www.crol.hr
