Фарел со целосна поддршка за истополовите бракови во Ирска

Актерот Колин Фарел, повторно, со силна и конзистентна поддршка за истополовите бракови во Ирска – како значаен придонес кон кампањата која е актуелна во Ирска во врска со ова тема. Тој вели дека истополовите бракови ги поддржува со „секој дел од неговото битие“.

Република Ирска, која ги легализираше граѓанските заедници во 2011 година, во месец мај ќе пристапи кон референдум со кој таквата ситуација ќе се прошири и легалното признавање ќе се однесува и на истополовите бракови.

Говорејќи во интервју со Клер Бајрн, актерот Фарел ја сподели и приказната за неговиот геј брат Еармон, и посочи на поддршката што ја има за него, но истовремено посочи и на пошироката поддршка за ЛГБТИ луѓето. 

„Ирска ја носам со себе, каде и да одам, затоа што навистина ја сакам својата земја“ – изјавува Фарел. Таквата поддршка и јавното изразување на истата, Фарел цени дека е своевидно негово „аутирање“ како поддржувач и застапник на човековите права на ЛГБТИ луѓето. 

Актерот беше кум на венчавката на неговиот брат, но исто така комуницира и со етаблираната “BeLoNg To“ – ирска организација која работи во ЛГБТИ областа, а особено во борбата против хомофобичното и трансфобичното вознемирување на младите во училиштата.

Извор: www.pinknews.co.uk