Септемвриската ревија на “Burberry“ инспирирана од Вирџинија Вулф и родовата флуидност

Последното септемвриско шоу на Burberry (NB not SS17 show), означи значаен пресврт во наследството на овој бренд. Сезонското понудување на продуктите се води од мотото „Види сега, купи сега“, и за прв пат целосните машки и женски колекции беа прикажани заедно, во новото место во Сохо. Целата колекција е испреплетена со референци кон опусот на Вирџинија Вулф, како и со некои Елизабетански нишки, при што ревијата прерасна во еден од најважните настани на London Fashion Week. 

Пред се’, интересна е одлуката на Christopher Bailey да не ја организира ревијата во Kensington Gardens, каков што беше обичајот со многу претходни ревии, туку септемвриското шоу се случи во Сохо во Makers House, каде што беа поставени декорирани и рачно изработени статуи, дури и една на Thomas Burberry, како резултат на нивната соработка со The New Craftsmen. Инспирацијата делумно беше адресирана и на цветните внатрешни дизајни на Nancy Lancaster, а точно на средината на пистата беше поставена скриена градина со споменатите статуи. Во прилог, може да погледнете дел од фотографиите од ревијата, со цел виртуелно да се доживее овој обид на Burberry:

Она што е значајно е дека пред ревијата, ова модна куќа во најавата за септемвриското шоу споделуваше фотографија со мотив од „Орландо“, едно од најпознатите дела на Вулф, каде што е документирано дел од секодневието на еден поет кој е во постојана транзиција помеѓу машкиот и женскиот род, а кој служи како честа референца во курикулуми за родови студии. 

Придобивката од овој модел на понуда на продуктите – „Види сега, купи сега“ – е тоа што купувачите можат веднаш по ревијата да го купат тоа што го сакаат, наместо да чекаат 6 месеци кога и цената се зголемува. Во февруари, Christopher Bailey објави дека Burberry ќе го присвои овој модел на продажба, и секако се’ потоа беше прашање на брзина, па беше поставен и сервис во живо на Фејсбук/Месенџер за да се олесни купувањето, а истата соработка беше остварена и со Snapchat, WeChat и Kakao, така што колекцијата беше достапна веднаш по ревијата и тоа онлајн, како и низ нивните продавници. 

Извор: www.dazeddigital.com