Геј стрејт алијансата (ГСА; Алијанса) објавува дека Апелациониот суд во Белград ја смени одлуката на Првиот основен суд и донесе конечна пресуда со која се усвојува жалбата на ГСА и утврдува дискриминаторско однесување, т.е. дека Драган Маркович Палма, пратеник и претседател на Единствена Србија (ЕС), има извршено тежок облик на дискриминација врз ЛГБТИ популацијата. Исто така Апелациониот суд му забрани на осудениот да ја повтори извршената дискриминација и му наложи да и ги плати на Алијансата судските трошоци во износ од 57.300,00 динари во рок од 15 дена од приемот на пресудата, под закана за присилно извршување.
Геј стрејт алијансата ја поздрави правосилната пресуда на Апелациониот суд во Белград и изрази големо задоволство што судот ја усвои жалбата на нејзината Правна служба во судскиот процес кој трае од 2011 година и кој два пати почнуваше од почеток. Исто така, ГСА смета дека со ваквата одлука Апелациониот суд ја враќа довербата на ЛГБТ луѓето и на сите останати граѓани во судскиот систем, затоа што осудениот Драган Маркович Палма е политичар кој со години важи за еден од најхомофобичните во Србија и кој до сега повеќе пати во јавниот и медиумскиот простор има употребувано говор на омраза кон ЛГБТ популацијата без никакви санкции.
Во образложението на својата одлука, советот на Апелациониот суд на чело со претседателката на советот – судијката Зорица Јашаревич, укажува дека Првиот основен суд во Белград во својата првостепена, и спред тужениот (Драган Маркович) ослободувачка одлука, погрешно го примени материјалното право и цитирајќи го Уставот, Конвенцијата за заштита на човековите права и основни слободи, како и Законот за забрана на дискриминација на основата под која е поднесена тужбата, заклучува дека „јасно е дека изјавата која тужениот ја даде на новинарите во пишаните и електронски медиуми содржински претставува дискриминација кон ЛГБТ популацијата”, како и дека „откако таа изјава е дадена во медиумите претставува пропагирање на дискриминација”.
Исто така Апелациониот суд укажува и на тоа дека „тужениот како угледна политичка личност и како претседател на партијата има право на сопствено размислување но има обврска во јавните настапи да не пропагира дискриминација. Посебна обврска на политичарите, а со тоа и на тужениот, е да ги промовираат вредностите на демократските општества како што се плурализмот, телеранцијата и правото на различност”.
„Пружењето заштита на тужителот (ГСА) не претставува цензура ниту ограничување на слободата на говор на тужениот ниту на правото на негово мислење и изнесување на негативни коментари, туку претставува забрана на говор кој пренесува идеи со кој се потикнува дискриминација, а кои можат да имаат штетни последици врз демократските процеси во општеството и општествениот развој во целина”, пишува во образложението на пресудата.
Да потсетиме, Правната служба на ГСА против Драган Маркович Палма во август 2011 година поднесе тужба на основ на Законот за забрана на дискриминација затоа што различната сексуална ориентација тој ја прикажа како болест и нешто ненормално и тоа по пат на јавните гласила, т.е. поради неговата изјава дадена во медиумите на 15 август 2011 година во која тој изјави: „став на Единствена Србија и мој личен став е – ние сме против секаков собир каде хомосексуалците демонстрираат по улиците на Белград и сакаат нешто што е болест да го прикажат како нормална работа”. Првиот основен суд во ноември истата година ја усвои тужбата на ГСА и донесе првостепена пресуда со која утврди дека Маркович извршил тежок облик на дискриминација и му забрани повторување на извршената дискриминација. Апелациониот суд во Белград во септември 2012 година ја укина првостепената пресуда по жалбата на полномошникот на Маркович поради повреда на одредбата за парична постапка т.е. поради тоа што утврди дека тужбата на тужениот Маркович не е уредно доставена од страна на Првиот основен суд и ја врати постапката на повторно судење. Повторното судење во Првиот основен суд во Белград започна во февруари 2013 година, а после едно одложено и две одржани рочишта, судот донесе нова првостепена пресуда со која тужбата на ГСА ја отфрла како носнована, а на која Алијансата поднесе жалба до Апелациониот суд.
Пресудата на Драган Маркович Палма е шеста правосилна пресуда која како основ ја има сексуалната ориентациј, а која адвокатите на Геј стрејт алијансата успеаја да ја добијат на суд од 2009 година откако е основана Правната служба на ГСА, што придонесе за стварање на судска пракса во оваа област во Србија.
Пресудата може да ја преземете тука.
Извор: Геј Стрејт Алијанса
