Еве како функционира ЛГБТИ заедницата во Намур (Белгија)

Во саботата, 9 мај, се одржа Поворка на гордост во Намур, мало гратче во Валонскиот дел од Белгија. Во Намур, организациите кои работат во областа на човековите права на ЛГБТИ луѓето имаат интересен концепт за организирање на овој настан.

Наместо марширање низ улиците на градот, тие се позиционираат со свои промотивни штандови на главниот плоштад во Намур, и имаат целодневна програма. Освен што се претставуваат различни организации кои работат за застапување на ЛГБТИ заедницата од различни аспекти, има и целодневна музичка програма. На истата настапуваат и имаат перформанси различни музички формации, почнувајќи од drag queens се‘ до рок бендови. Настанот во Намур, се користи и за промоција на Поворките на гордоста и во белгиските градови Антверпен и Брисел.

Она што е значајно за македонската ЛГБТИ заедница, а во врска со овој настан, е што ова година во Намур, меѓудругото, беше поздравена и Неделата на гордоста која се организира секоја година во Скопје. Опуштената атмосфера во Намур, ги заведе скоро сите присутни кои се дружеа, пееја и играа. Оваа можност ја искористија и многу граѓани од Намур да го посетат настанот, а и да ги научат своите деца за различностите кои постојат во општеството.

Ова практика на организирање настани кои се значајни за ЛГБТИ заедницата, во помали градови, е од големо значење, и тоа пред се’ за локалното население, но и за битната децентрализација на оние општествени појави кои се насекаде пристуни, а не се концентрирани само во главните градови. Тоа е значајно, на линија на видливоста на ЛГБТИ заедницата и охрабрување на припадниците на ова заедница во нивната само-реализација. 

Подолу може да проследите некои фотографии: