За прв пат, трансродово лице беше назначено за судија во Канада, односно во суд во провинцијата Манитоба.
Kael McKenzie, претходно адвокат од Винипег, официјално беше назначен за судија на 17 декември, и започна веднаш со својот нов професионален ангажман.
Со назначувањето во провинциски суд, г-нот. McKenzie стана третото отворено трансродово лице кое е ангажирано во правосудниот систем во Северна Америка. Прва беше Victoria Kolakowski, од Алмеда, Калиф, која беше назначена во 2010 година.
Многумина го нарекуваат назначувањето на McKenzie “a Canadian milestone.”
Пред овој тип на промоција, г-нот. McKenzie беше и обвинител во рок од пет години, и најчесто работеше на случаи од семејно, трговско и граѓанско право. Дипломирал на Универзитетот во Манитоба, во 2006 година, и активен член е на двете заедници – правната и ЛГБТК, при што има учествувано и одржувањето на конференцијата за сексуална ориентација и родов идентитет на Canadian Bar Association од 2012 до 2014 година. McKenzie исто така фигурира и како потпретседател на извршниот одбор на Bar Association во Манитоба, исто така членува и во поголемата Bar Association на Канада, како и претседател е на Rainbow Resource Centre, што му служи на Манитоба како сервис за геј, лезбејките, бисексуалците и бисексуалките, и конечно бил и член на женското советничко здружение во Манитоба. Еден од адвокатите од Манитоба, Mackintosh, како личност кој го назначи новиот судија, вели дека властите во Манитоба прават активен напор за застапување на различноста во рамки на внатрешната организираност на судскиот систем, особено од 2001 година наваму:
„Многу е важно да се обезбеди и почит, покрај помошта, кон прифаќањето на луѓето… Тоа придонесува кон многу посилен судски систем, без сомнеж!“
И покрај тоа што, целиот свој живот го поминал како трансродово лице, McKenzie формално ја направил својата транзициија, во текот на неговата адолесценција: „Бев способен да се справам на лесен начин со тоа, особено во деновите кога бев ангажиран како обезбедување и требаше да вршам улога која е нетрадиционална за жените“.
„Кога од таа сфера се префрлив на правната, многу од нештата станаа потешки, бидејќи таа професија сепак подразбира извесен код во облекувањето и однесувањето, особено ако ви е важен напредокот. Или ако сакате, многу повеќе комформизам…“
Тој одлучил да го направи своето „аутирање“, во текот на неговото работење со Chapman Goddard Kagan. „Мислев дека е готово со мојата кариера, мислев дека е премногу голема работа со која луѓето нема да бидат комотни, ниту пак ќе ме препорачуваат на нови клиенти, односно дека истите ќе ме напуштат…, но тоа не беше точно“ вели McKenzie.
Понатаму, McKenzie продолжува, и кажува дека целиот негов живот сакал да биде судија. Откако тоа се оствари, тој изјавува: „Само се надевам дека ќе завршам добра работа за Манитоба“.
А како ново назначен судија, McKenzie вели дека е горд на својата ЛГБТК заедница.
„Важно е дека имаме трансродови лица како примери…, и дека постигнавме повисоко ниво во нивните професионални ангажмани, како и во рамки на нивната заедница“ вели тој, раскажувајќи за неговата отвореност, но истовремено и ангажираност како судија.
Според неодамнешно истражување на Washington Post, наведено е дека вкупно 6 трансродови лица се ангажирани во администрацијата на САД, вклучувајќи и двајца судии.
Извор: www.theglobeandmail.com
