Истополовиот брак на американскиот амбасадор во ОБСЕ

Еден од значајните претставници на Соединетите Американски држави во Европа, гордо склучи брак со неговиот партнер во Австрија, каде што истополовите бракови не се легални. 

Ден Баер, американскиот амбасадор во ОБСЕ, најпрво објави на својот твитер профил дека се омажил за неговиот партнер Брајан Валш во Австрија, со локација потврдена во објава од Human rights campaign. Претседателот на Human rights campaign, Чад Грифин, бил гостин на церемонијата, заедно со уште други 160 гости.  

Серија на легални предизвици за Австрија и Законот за ,,регистрирано партнерство’’ се во оптег, односно целосната еднаквост во однос на бракот веќе е предложена во парламентот, каде што неодамна се дебатираше по ова прашање. Баер ја добил својата лиценца за склучување брак во Америка, но церемонијата ја организирал во својот дом, посочувајќи на тоа дека е возможно и во Австрија.  

,,Го слушав претседателот Фишер како зборува за Австрија како една од државите која се’ уште не ја завршила работата со целосната еднаквост за ЛГБТ луѓето’’ изјавува Баер за The Advocate. ,,Во Соединетите држави, брачната еднаквост стана патоказ за поширокиот развој и заради таа причина, организирав радосен настан како што е свадбена церемонија, така што исполнетоста со радост, пријатели и фамилијата, како ништо друго, може да биде пример за оние кои може да придонесат за остварување на еднаквоста.’’ 

Баер се преселил во Виена со својот партнер Валш, откако станал амбасадор.

Извор:http://www.advocate.com