Состанок на регионалната мрежа против хомофобија

Од 12ти до 15ти Март 2013 година, организации кои работат за ЛГБТИ права од 19 држави се сретнаа во Анкара на четвртиот регионален состанок, во склоп на регионалната мрежа против хомофобија при организација на КАОС ГЛ од Турција.

повеќе за КАОС ГЛ

Албанија, Азербејџан, Босна и Херцеговина, Алжир, Eрменија, Палестина, Грузија, Ирак, Израел, Црна Гора, Косово, Либан, Македонија, Египет, Србија, Тунис, Турција и Грција беа претставени преку своите невладини организации кои работат за подобрување на условите на живот на ЛГБТИ популацијата.

Состанокот беше фокусиран околу медиумите и ЛГБТИ популацијата, каде се разговараше за предизвиците, позитивните и негативните примери на претставувањето на ЛГБТИ тематиката од страна на медиумите. Беа споделени искуства од различните држави и региони за импактот од конкретните начини на пренесување на вести поврзани со ЛГБТИ популацијата.

Во вториот модул на состанокот беше отворена и темата на сајбер- односно виртуелната и физичката сигурност на ЛГБТИ популацијата и активистите во различните држави. Беа споделени различните постоечки закани и предизвици за зголемување на нивото на сигурност кога и се споделуваа конкретни искуства од присутните активисти.

Во третиот модул на состанокот беше организиран фудбалски натпревар во кој учествуваа присутните активисти и претставници од меѓународниот дипломатски кор, во знак на подршка на Halil Ibrahim Dinçdag, кој е првиот отворен геј судија и моментално води правна војна против Турската фудбалска федерација, која го аутирала јавно без негово знаење и бил отпуштен поради својата сексуална ориентација.

“Фудбалот не е поле на само хетеросексуални мажи. Секој може да го ужива фудбалот без разлика на пол или сексуална ориентација!!”- Али Ерол, КАОС ГЛ.

По фудбалскиот натпревар беше одржан панел со име “Фудбал против Дискриминација” на Универзитетот во Анкара каде  Пиара Повар извршната директорка на ФАРЕ -FARE (Football Against Discrimination in Europe), Лу Енглефилд од ” Фудбал вс. Хомофобија” од Англија и Жељко Блаче од “qSPORT” од Хрватска се обратија на тема спортот и хомофобијата.

Повеќе слики на следниот линк