Еден од паровите кои долго го очекуваа Законот за животно партнерство се Иван од Белград и неговиот партнер од Загреб, и барањето за склучување е веќе предадено во Загреб, со надеж дека набрзо ќе добијат конечен датум и време кога ќе се озакони нивната две и пол годишна врска.
Уште од почетокот на нивната врска, Иван дури три пати се преселувал во Загреб. Во тој период два пати се запослувал во Белград, но потоа давал откази за да се врати во Загреб – мислејќи дека тоа му е последен пат. Имено, Иван во Хрватска имал статус на турист, каков што има и сега, и со тоа законски имал право на туристички престој од 90 дена.
Секогаш кога овој рок ќе истечел, односно ден порано, Иван морал да се враќа во Белград, а неговата единствена утеха била дека ќе се оствари владиното ветување дека ќе се донесе Закон за животно партнерство, и дека брзо ќе дојде денот кога нема да мора да се раздвојува од својот партнер. Остатокот од приказната е познат – донесувањето на Законот за животно партнерство беше одложен и донесен е оваа година.
Тој ден Иван го дочекал во Загреб – ,,Веднаш ја побаравме нашата пријателка, која е правничка, и која ќе не придружува кога ќе го поднесеме барањето за склучување на животно партнерство. Затоа што со обзир кон нашата специфична ситуација, односно фактот дека јас сум турист, ќе бараме склучување на партнерството пред истекот на рокот од 30 до 40 дена. Можеби тоа ќе се случи за две недели, затоа што визата ми истекува на 21 август и не сакам да ризикувам‘‘ изјавува Иван за Vecernji list.
Свеченост без семејството кое никогаш не ја прифатила хомосексуалноста на Иван
На венчавката ќе бидат присутни само кумовите. Овој пар не е заинтересиран за свечена сала и музиката на Елтон Џон во позадина. Зборот ,,венчавање‘‘ вели Иван – го користи намерно, затоа што тоа е венчавање за него, венчавање со љубовта на неговиот живот.
,,После ќе го одредиме датумот и ќе организираме свадба. Ќе изнајмиме простор, ќе ангажираме DJ и ќе повикаме околу 40-тина пријатели. Ќе дојдат и некои мои пријатели од Белград, а ни потврдија и некои пријатели од Њу Јорк дека ќе дојдат‘‘ вели Иван.
Но на веселбата нема да присуствуваат неговите роднини од Белград, па ниту родителите. Тие никогаш не ја прифалите неговата хомосексуалност. Дотолку што барале од него да го крие тоа додека е во Белград, а исто така и не смеел никој да повика дома.
Извор: http://www.crol.hr
