Правото на посвојување на истполов пар – признаено во Италија

За прв пат, од страна на Судот во Италија беше признаено посвојувањето на дете од страна на истополов пар, известуваат тамошните медиуми. 

Ќерката е биолошко дете на една од партнерките, а судот го призна правото на посвојување на сопружничката на мајката. Парот се венчал во странство, а во Рим живеат од 2003 година. Одлуката за посвојување ја донесе Судот за малолетници, а адвокатката на парот Мариа Антониа Пили смета дека судот точно ја протолкувал ,,можноста за проширување’’ која постои во Законот за посвојување.

Во овој случај, Судот го препознал ,,интересот на детето да го одржува односот со своите старатели’’ или ,,односот кој се потврдил со изминување на одредено време’’, и тоа ,,независно од сексуалната ориентација на родителите’’. Судот го потврди исклучокот, затоа што детето расте во стабилно емоционално опкружување.  

Значајно е да се напомене и дека судот во Grossett, во април оваа година, донесе една друга одлука без преседан, признавајќи истополов брак склучен во странство. Таа одлука значајно се одрази во Италија, имајќи предвид дека оваа земја се’ уште не ги признала истополовите врски во легална смисла. Премиерот Матео Рензи најави дека на есен ќе се започне расправа за Законот за животно партнерство.

Одлуката на судот за посвојувањето ја поздравија ЛГБТ активистите и демократите. Челникот на ЛГБТ Центарот во Рим порача дека се работи за ,,револуционерна и историска одлука’’, додека Иван Скалфорто од редовите на демократите ја цени пресудата како ,,надеж за илјадници семејства’’. 

Извор: http://www.crol.hr