Јас сум Алекс! Викај ме Алекс.

Дваесет години ми беа потребни да си признаам на себеси дека јас не сум жена. Десет години ми беа потребни да соберам храброст  да признаам јавно дека сум маж. Два часа ми беа потребни да ? се доверам на другарка ми дека сум маж. Зошто? Од страв дека ќе ја изгубам другарка ми. Од страв дека ќе бидам осуден, омразен, исмеан. Веќе сум изморен од обидите на луѓето да ме искалапат во вистинска жена.

Изморен сум од понижувачкото меркање од глава до пети од работодавачите. Постојано бев и с? уште сум исмејуван поради надворешниот изглед. Постојано слушам непријатни коментари, дофрлувања, невкусни досетки. Тинејџерските години ги поминав шетајќи се со наведната глава. Прашањата “аa бе што кур е ова” отворија рана која с? уште не закрепнува.                                                                                                                                    

Се борам за моите права како транс лице, како човек, затоа што ми следува да живеам во слобода и еднаквост. Ќе се борам за моите права и слободи затоа што секој сличен на мене заслужува да живее слободно и мирно. Ќе се борам за моите права и слободи и ќе барам заштита за сите нас затоа што никој не заслужува да живее во страв, срам и тага. Ќе се борам! Зашто никој не треба да се плаши слободно да го изрази својот идентитет. Јас можам да издржам и да ме исмејуваат, и да ме покажуваат со прст, но сeкогаш ќе се борам за нашите права и слободи. Зарем толку е тешко да ни покажете почит со тоа што ќе ни се обраќате со јазикот којшто се совпаѓа со нашиот род?

Алекс Ристовск

Групата за поддршка на транс* лица се среќава во ЛГБТИ центарот за поддршка.

За повеќе информации контактактирајте н? на: aleks.ristovsk@gmail.comили info@lgbti.mk