Жупанскиот суд во Осјек ја потврди пресудата на Општинскиот граѓански суд во Загреб, според која организацијата Zagreb Pride е должна да исплати 40 000 куни на Каролина Видовиќ Кришто. Потсетуваме дека бившата уредничка на емисијата „Сликата на Хрватска“, на крајот од 2012 година, во таа емисија го пушти прилогот насловен како “Pedofilija kao temelj spolnog odgoja“, заради кој активисти и активистки на Zagreb Pridea, ова уредничка ја поместија на листата за избор на Хомофоб/ка на годината. Токму заради тој прилог, програмскиот совет на HRT ја тргна нејзината емисија од програмата на хрватската телевизија, и тоа половина година пред името на новинарката да се најде на изборот што го организира Zagreb Pride.
Според пресудата, Zagreb Pride го повредува достоинството, честа и угледот на Каролина Видовиќ Кришто заради следниот текст: Ова бивша уредничка на емисијата „Сликата на Хрватска“ на HRT се вклучи во хистеричната анти-хомосексуална кампања, така што во етерот на националната телевизија го пушти пропагандниот прилог со наслов “Pedofilija kao temelj spolnog odgoja“. Се покажа дека навистина се работи за пропаганда и необјективна емисија, која нема врска со новинарството, туку со злоупотребата низ радикален активизам.
Со пресудата против Zagreb Pride се оневозможува работата на нашата организација и цензурира нашиот глас во борбата за човекови права на ЛГБТ луѓето, граѓаните и граѓанките на Република Хрватска – пишува во соопштението на организацијата. Правото на слобода и изразување на мисла се загарантирани со нашиот Устав. А мисијата на Zagreb Pridea е јавно укажување на хомофобијата, бифобијата, трансфобијата, и така нашата должност е и основна активност да реагираме на секое делување насочено против ЛГБТИК луѓето, против нашите деца и нашите семејства, против ЛГБТИК заедницата. Еднаквоста во правата и достоинството се вредности кои се застапувани од самиот почеток при работата на Zagreb Pride. Нашите ставови сакаме да ги изразуваме јавно, искрено и отворено.
Меѓутоа, за слободно да зборуваме во Хрватска, тоа моментално мораме и да го плаќаме. Износот на казната која мораме да ја платиме е 41.018,91 куни. Ние во овој момент немаме ненаменски средства, и затоа тој износ мора(в)ме да го позајмиме. Заемот го враќаме на 31.8. 2015 година.
Zagreb Pride ги повикува сите граѓани и граѓанки, сите поддржувачи, сите оние кои веруваат во слободата на говорот, како и сакаат да ги поддржат во мисијата на Zagreb Pride, може симболично да придонесат со 10 куна.
Zagreb Pride ја бара нашата поддршка и повикува на солидарност.
До сега се уплатени (во рок од 13 часа од објавувањето на повикот) околу 2440 куни.
Информации за донација:
Zagreb Pride, Meštrovicev trg 2, 10 000, Zagreb, OIB: 80888915470,
Banka: Erste&Steiermärkische Bank d.d. Rijeka, Jadranski trg 3A, 51000 Rijeka
IBAN: HR1024020061100544000 (Swift: ESBCHR22 / REUTERS: ESZH).
Борбата за човековите права на ЛГБТИК луѓето продолжува.
