“ЛГБТ Форум Прогрес” организираше тренинг во Подгорица за трансродови прашања

“ЛГБТ Форум Прогрес” во соработка со Министерството за здравство и Институтот за јавно здравје на Црна Гора и со поддршка на Британската амбасада во Подгорица одржаа тренинг за здравствените работници за транссексуалноста и процесот за потврдување на родот.

Тренингот го водеше Др. Душица Марковиќ – Жигиќ, психијатар-сексолог, специјалист по психијатрија во клиничкиот центар “Драгиша Мишовиќ” во Белград, член на белградскиот тим за родов идентитет.

На тренингот беа присутни членови на Експертската работна група од Министерството за здравство за развојот на критериумите за процесот на потврдување на родот, како и доктори и професионалци од Клиничкиот центар на Црна Гора, психијатриската болница од Котор и локалните здравствени установи.

Др. Марковиќ – Жигиќ зборуваше за транссексуалноста и нејзиното потекло, како и за медицинските дијагнози и третманите за трансекссуалноста.

Член на Управниот одбор на водечката европска асоцијација “IT Европа”, Кристијан Ранѓеловиќ, зборуваше за групите за само-поддршка и нивната улога во медицинскиот третман, правните регулативи и интернационалната соработка.

Во текот на последнава година Црна Гора направи значаен напредок во третманот на трансродовите лица во системот за ментално здравје.

После кампањата на невладината организација “ЛГБТ Форум прогрес” која траеше со месеци, Владата на Црна Гора поднесе иницијатива која беше усвоена од Собранието на Црна Гора за измени во Законот за здравствено осигурување, кој сега овозможува промена на полот. 

Во последнава година беа остварени директни контакти на надлежните органи во здравството и трансродните лица кои се заинтересирани за усогласување на полот со нивниот род.

За повеќе информации посетете ја вебна-страната  “ЛГБТ Форум Прогрес”.