Првиот израелски трансродов маж кој беше признаен како татко на детето во истополово партнерство

Министерството за внатрешни работи на Израел официјално ги призна двајцата биолошки татковци на бебето. Бебето е син на Јувал и Матан Топер-Ерез. Јувал Топер-Ерез е првиот трансродов маж во Израел кој остана бремен и детето го роди во декември, 2011 година.

На почетокот, Министерството за внатрешни одби да го признае Матан како биолошки татко на детето, велејќи дека не се во можност да регистрираат два машки биолошки родители.

На едно од сослушувањата кое се одржа една година откако се роди бебето, Министерството се обиде да ја потцени промената на полот и се изјасни дека сака да го регистрира Јувал како жена.

Тато и тато: Јувал Топер-Ерез, кој сега е трансродов маж, го држи во раце бебето кое го зачна со својот партнер.

Министерството за внатрешни се согласи да ги наведе двајцата татковци како биолошки родители, но само по интервенцијата на  Министерот за внатрешни работи Гидеон Са’ар и Претседателот на Комитетот за внатрешни работи при Кнесетот на Израел (законодавен дом), Мири Регев.

За дасе овозможи регистрацијата, Јувал беше првично регистриран како жена, со цел да може да го регистрира детето со својот сопружник, а потоа неговата регистрација беше преправена во маж.

Ова е прв случај кога двата члена на истополово партнерство во Израел се регистрирани како биолошки родители. Во минатото, се бараше еден од партнерите да го посвои детето.

Извор: http://forward.com/articles/183968/israeli-transgender-man-recognized-as-childs-fathe/#ixzz2kupOIipY