Триесет членки на Еквинет (Equinet) мрежата на тела за еднаквост имаат мандат за постапување во случаи поврзани со ЛГБТИ луѓе во областа на вработувањето, а 22 во областа на снабдувањето и пристапот до добра и услуги.
Цел
Оваа нова перспектива на Еквинет се труди:
Да ја збогати дебатата за ЛГБТИ проблематиката на ниво на ЕУ и национално ниво, преку идентификување и извлекување релевантни лекции од работата на телата за еднаквост кои промовираат еднаквост и се борат против дискриминацијата на ЛГБТИ луѓето.
Да ја подобри работата на телата за еднаквост во однос на промовирањето на еднаквоста и недискриминацијата кон ЛГБТИ луѓето, преку испитување на проблемите со кои се соочуваат и преку идентификување добри практики при реагирање во однос на ваквите проблеми.
Да ја продлабочи соработката меѓу телата за еднаквост и ЛГБТИ луѓето и нивните организации, преку комуникација во однос на мандатот, работата и постигнувањата на телата за еднаквост во промоацијата на еднаквоста и борбата против дискриминацијата на ЛГБТИ луѓето.
Пристап
Оваа перспектива е поткрепена со работилница за работата на телата за еднаквост во областа на правата на ЛГБТИ луѓето, која се одржа како дел од средбата на Работната група за формирање политики на Еквинет. Групата работи на дијалог за политики меѓу Еквинет и ЕУ институциите, врз основа на анализа на работата на телата на еднаквост на ниво на земјите-членки.
Перспективата се заснова на истражување на членките на Еквинет за разгледување на работата на поединечните тела за еднаквост во промовирањето на еднаквоста и борбата против дискриминацијата на ЛГБТИ луѓето (погледнете подолу).
Беше изготвена нацрт-верзија која беше финализирана со помош и информации од работната група и Управниот Одбор на Еквинет.
Голем придонес за перспективата даде Европскиот сегмент од Меѓународната асоцијација на лезбејки, геј мажи, бисексуалци, трансродови лица и интерсексуалци (ИЛГА Европа), чијшто персонал се сретна со Секретаријатот на Еквинет за да даде совети и информации кои помогнаа при дизајност и анализата на прашалникот од истражувањето. Агенцијата за фундаментални права на ЕУ исто така помогна во креирањето на нацрт-верзијата на оваа перспектива, давајќи пристап до своето истражување за ЛГБТИ луѓето, од 2013 година, како и дополнителни и подетални материјали од ова истражување.
Оваа перспектива се однесува на: Контекстот во кој живеат ЛГБТИ луѓето во ЕУ Клучни проблеми во работата на телата за еднаквост во однос на ЛГБТИ прашањата Резултатите од истражувањето на работата на телата на еднаквост во однос на ЛГБТИ прашањата Дејства кои можат да се преземат од страна на телата за еднаквоста за да се подобри нивната работа на ЛГБТИ прашањата Дејства кои можат да се преземат на ниво на ЕУ за да се подобри контекстот за работата на телата за еднаквост во однос на ЛГБТИ прашањата
Документи кои можат да се преземат:
Еквинет – Перспектива за ЛГБТИ (англиски јазик) .PDF
Извор: http://equineteurope.org/Equality-Bodies-Promoting-Equality
