Герилска акција во Бања Лука со ЛГБТ пораки

Неодамна објавивме за герилската акција по улиците на Сараево, во кои учествуваа тамошните ЛГБТ активсти со цел да ја подигнат јавната свест за постоењето на различноста во градот.
Изминативе неколку дена во Бања Лука, исто така, се појавиа голем број на графити со пораки за состојбите со правата на ЛГБТ луѓето во Република Српска. 

„Лезбејките беа овде“, „Геј = ОК“, „Српска ги сака своите геј луѓе“, „Хомофобите во 4 ѕида“, „Лезбејка сум, нека сум“, „Тој го љуби него“, се некои од пораките со кои ЛГБТ активистите и активистките го привлекоа вниманието на фактот дека ЛГБТ луѓето се дел од секојдневието и дека се околу нас. 

Активстите и активистките кои беа дел од ова герила акција, сакаа да останат анонимни, но изјавија дека се граѓани кои живеат во Бања Лука. Тие секојдневно се соочуваат со хомофобија во нивниот град и фашистички графити по улиците од истиот, како што се „Смрт за педерите“ или „Нема да шетате овде“. Според активстите, целта на ова акција е потребата од укажување на тоа дека во Република Српска постојат многу повеќе ЛГБТ луѓе отколку што се мисли, но заради страв од насилство и дискриминација, тие се приморани да го кријат својот идентитет. 

Еден од активистите кој беше дел од акцијата вели: „Поентата е луѓето на еден поинаков начин да видат дека сме тука и дека сме дел од ова општество“. 

Извор: www.6yka.com