На 29 Јануари, 2013 година министерот за образование на Ирска, Руаири Квин и министерот за деца и млади на Ирска, Францес Фицџералд го објавија првиот акционен план за намалување на нивото на напади врз учениците кои се случуваат секојденевно во училиштата (bullying), со акцент на тортурата која се врши врз младите ЛГБТ лица. Планот беше подготвуван 9 месеци од страна на работната група за борба против овој вид на тортура, а оформена од страна на Одделот за Едукација и Вештини.
На промоцијата на акциониот план министерот Квин рече:
„Во согласност со заложбата на програмата за владата побарав од работната група да стави посебен акцент на тортурата која се врши врз ЛГБТ децата. Истражувањата покажуваат дека малтретирањето на ЛГБТ младите е голем проблем за младите луѓе во училиштата кои се лезбијки, геј, бисексуалци, трансродови или се перцепирани како такви.”
„Овој акционен план е огромен чекор напред и претставува историско признавање од страна на владата дека хомофобичните и трансфобичните напади се итни прашања и дека имаат сериозни влијанија врз менталното здравје на младите луѓе” рече Мајкл Барон, извршен директор на БиЛонГ Ту (BeLonG To), ирски национален ЛГБТ сервис за млади.
Сандра Гоуран, директорка на Одделот за промени во едукациски политики во Мрежата за еднаквост на Геј и Лезбијки (GLEN), исто така го поздрави објавувањето на акциониот план: „Го поздравуваме министерот Квин и неговиот Оддел за покажаното разбирање околу тоа колку е сериозно ова прашање за младите луѓе кои припаѓаат на ЛГБТ заедницата. Исто така го поздравуваме и акциониот план кои содржи многу реални и остварливи акции кои ќе доведат до подобрување на животите на младите ЛГБТ луѓе во нашите училишта и заедници.”
Акциониот план содржи серија на акции кои треба да се превземат за да се адресира тортурата во училиштата, а со тоа и целосно да се спречат хомофобичните напади. Овие акции треба да бидат остварени заеднички од страна на повеќе актери: Одделот, едукациските партнери, училиштата, родителите и невладините организации, вклучувајќи ги и БиЛонГ Ту и ГЛЕН.
Министерот Квин посочи дека „важно е да признаеме дека ваквите насилни однесувања многу често произлегуваат од предрасудите, расизмот, хомофобијата и непознавањето на различните култури и религии. Справувањето со ваквите прашања може да биде тешко, предизвикувачко и емотивно но ваквите однесувања мора да се отстранат. Моето гледиште е дека култура која промовира почит, вреднува мислења, ги слави различностите и промовира позитивни односи е подобра за сите.”
Потврдувајќи го ова, Мајкл Барон од БиЛонГ Ту објави дека “овој план содржи акции кои се борат против предрасудите вклучувајќи ја и хомофобијата, која многу често е корен на ваквите напади. Ова е исклучително важно. Хомофобичните напади можат да се случат во многу делови од животот на младиот човек – во училницата, во училишниот двор, на игралиштето и на улица. Зголемената употреба на интернетот, а со тоа и нападите во сајбер просторот (cyberbullying) се користат како оружје за хомофобични напади, оставајќи ги младите ЛГБТ луѓе (или оние кои се перцепирани како ЛГБТ луѓе) обесхрабрени и со чувство на немање излез од таквата ситуација.”
„Работевме заедно многу години да го запреме малтретирањето на младите ЛГБТ луѓе и да го подобриме нашиот училишен систем за овие млади луѓе да учат во безбедни и поддржувачки училишта. Очигледно е дека постои посветеност кон искоренување на ваквите негативни појави и ваквиот акционен план ги бележи најзначајните напредоци на оваа тематика, ставајќи ја Ирска меѓу првите места во обидите за справување со овој акутен проблем”, заклучи Ирвин Гоуран.
„Министерот Квин и министерот Фицџералд заедно со нивните Оддели продолжуваат да ја покажуваат нивната посветеност и поддршка на младите ЛГБТ луѓе преку нивната работа со училиштата, сервисите за млади и заедницата. Нивната отвореност за соработка со невладини организации и ставајќи ги потребите на младите ЛГБТ луѓе во преден план е од витално значење. Се надеваме дека ќе ја продолжиме соработката и во следните години” заклучи Барон.
Кампањата на БиЛонГ Ту против тортурата врз младите ЛГБТ луѓе во училиштата ќе биде одржана низ улилиштата во Ирска од 11 до 15 март, 2013 година.
Галерија од промоцијата на акциониот план може да погледнете на следниов тука.
Комплетниот акционен план можете да го преземете тука.
Преземено од Belong To.
