Радикална одлука за поддршка на ЛГБТ луѓето

Евангелист, и професорот по етика Дејвид Гуше одлучил да ги промени своите ставови и да ги поддржи ЛГБТ луѓето, со увереност дека тоа е неговата задача пред Господ.

Хомосексуалноста е прашање и на страдањето, а не пред се‘ на христијанската сексуална етика. По повод објавувањето на неговата колумна во која јавно ги изразува променетите ставови, објавена во Washington Post, професорот Гуше цени дека неговата радикална одлука за солидарност со ЛГБТ луѓето е подобра промена на позициите во размислувањето и делувањето.

Исто така, професорот Гуше ја напишал и книгата Changing Our Mind: A Call From America’s Leading Evangelical Ethics Scholar for Full Acceptance of LGBT Christians in the Church, и дополнително има ангажман со одржување на говор со афирмативна содржина за ЛГБТ заедницата на настан во Вашингтон. 

,,Тешко е да се опише, прецизно, зошто се случи мојата морална визија во овој правец. Но несомнено, но сигурно имаше влијание моето преселување во Атланта во 2007 година, и зачестеното комуницирање со ЛГБТ луѓето, особено со браќата христијани меѓу нив. Пред тоа, тешко дека познавав некого што е геј, но потоа среќавав многу геј личности, и некои од нив сега ми се многу драги пријатели‘‘ – изјави Гуше. 

,,Ми стана јасно, на едно многу спиритуално рамниште каде што многу тешко може да влијае некој, дека Господ ме поврза со ЛГБТ луѓето. Фактот што една од тие драги ЛГБТ луѓе е моја најмлада ќерка Кејти, дополнително ги продлабочи овие теми кои станаа лични за мене. Исто така, фактот дека едно од местaта каде што мојата ќерка ја водеше најтешката борба во врска со нејзината сексуалност беше евангелистичка црква, придонесе кон моите нови морални заложби: да ги направам евангелистичките цркви и домови – безбедни места за ЛГБТ луѓето‘‘ – истакнува Гуше. 

Сестрата на професорот Гуше, исто така, јавно ја изрази својата сексуална ориентација како лезбејка во 2008 година.

Професорот Дејвид Гуше, во изминатиот период објави серија на колумни во врска со ЛГБТ темите за Baptist News Global. 

Извор: http://www.advocate.com