Медиумите, говорот на омраза и маргинализираните заедници

ЛГБТИ Центарот за поддршка ве повикуна на настан организиран од Коалицијата „Сексуални и здравствени права на маргинализираните заедници“. Станува збор за дискусија по повод објавувањето на публикацијата „Медиумите, говорот на омраза и маргинализираните заедници: Водич за медиуми“. 

Свое излагање на дискусијата ќе имаат авторите на публикацијата, Жарко Трајаноски, Тамара Чаусидис и Роберто Беличанец, како двајца членови на Советот за радиодифузија, г-дин Лазо Петрушевски и Г-а Емилија Јаневска.

Публикацијата го адресира прашањето за почитувањето на новинарските стандарди при известувањето за различностите и за дискриминацијата, особено врз основа на родот, сексуалната ориентација, здравствениот статус или на припадноста кон некоја маргинализирана група. 

Медиумите и медиумските професионалци имаат една од главните улоги во борбата против дискриминацијата и во охрабрувањето на интеркултурниот дијалог. Со препознавањето и со осудата на дискриминацијата, говорот на омраза, и на насилството кон маргинализираните групи, новинарите можат да помогнат во надминувањето на нееднаквоста и на повредите на основните права. 

Се надеваме дека со вашето присуство ќе ни се приклучите кон заедничкото поттикнување и промовирање на демократските и професионалните стандарди во македонското новинарство и медиуми.

Интернет страницата на Коалицијата можете да ја посетите на следниот линк.