Руската Дума го одби законскиот предлог за казнување на аутирањето

Извесен комитет во руското собрание или Думата, овој понеделник (18 јануари) го одби предлогот за законоско решение со кое ќе се забрани јавното откривање на инаквата сексуалност односно „аутирањето“.

Легислативната иницијатива, од почетокот на октомври, 2015 година, од страна на пратеници на Комунистичката партија, Иван Никитчук и Николај Арефиев предлага казнување на оние „јавни изразувања на нетрадиционалните сексуални релации“ со казна и до 15 дена затвор или со глоба од 5 000 рубљи (околу 80 долари).

Димитри Вјаткин, кој води со овој Комитет за уставното законодавство и градење на државата, вели дека предлогот ќе биде одбиен, за почеток, затоа што од аспект на формално-правна гледна точка, законското решение е неписмено, пренесуваат од  медиумската агенција RBC.
Според информациите пласирани од радиото Free Europe/Radio Liberty, законодавците бурно реагирале откако Никитчук пред Комитет изјавил дека хомосексуалноста е „заразна болест“ и „закана за општеството“.

„Постои група на луѓе која, според нашето мислење, имаат оштетена психа, и како резултат на тоа тие покажуваат девијација во нивната сексуална ориентација“ изјавил тој.

„Ова е болест, на исто ниво како и зависноста од дроги и алкохол, како и други болести“ заклучува Никитчук, додавајќи „Уште повеќе, ова болест е заразна. За млад човек со неоформена психа, претставува сериозна закана“.  

Од страна на Human Rights Watch беше упатена осуда за споменатото законско решение, и истото беше коментирано како „ново и апсурдно дно во дискриминаторските законски предлози“.

Во 2013 година, пак, Думата го изгласа непопуларниот руски закон поврзан со „геј пропагадна“, со кој се забранува промоција на хомосексуалноста пред малолетници.   Извор: www.gaystarnews.com