Да се биде геј, може да биде тешко, особено во оние 79 држави каде што тоа се‘ уште е нелегално.
Низ целиот свет, широк опсег на права регулираат дали геј луѓето може да живеат отворено во општествата, односно да егзистираат на маргините во општеството, да ги отфрлаат своите желби, да го сокријат својот идентитет заради стравот од прогон. Некои од таквите законски решенија ги доведуваат во опасност животите на оние со поинаква сексуална ориентација, (во Нигерија) ги осудуваат на смртна казна оние што против-законски живеат како хомосексуалци. Други држави пак, воведуваат дискриминаторски правила низ кои е невозможно да се живее исполнето, како во Чиле каде што истополовите парови се легално признати, но не им е дозволено да посвојуваат деца.
Ова мапа ги покажува опасните точки, низ целиот свет, за оние луѓе кои не се хетеросексуалци. Така, за разлика од Исланд и Данска – како држави кои може да се прикажат како рај за истополовите партнери – каде што е дозволен бракот помеѓу истополови партнери, дозволено е посвојување на деца, дозволено е вршење на воена служба, во други држави да се живее како хомосексуалец е опасно.
Во Камерун, каде што хомосексуалноста е нелегална (сите држави одбележани со црвна боја), полицијата во октомври изврши упад во еден дом каде што биле присутни повеќе мажи, односно биле пријавени од страна на соседите во полиција, при што припадниците на полицијата ја скршиле вратата и ги привеле присутните заради хомосексуалност, проституција и подведување. Полицискиот предводник на акцијата, случајот го опишал како ,,луѓе кои се контролирани од ѓаволски дух‘‘.
Да се биде геј во Русија (и во другите држави одбележани со жолта боја), не е нелегално, но геј и лезбејките може да бидат уапсени заради ,,промовирање на хомосексуалност‘‘ или ширење на ,,геј пропаганда‘‘ со која влијаат на малолетници. Тоа, често, значи дека ЛГБТ активисти се апсени заради нивните кампањи со кои ги застапуваат правата на ЛГБТ луѓето. Таквата практика оди дотаму што руските власти се обидувале да ги приведат и странските изведувачи како Мадона и Лејди Гага заради промовирање на еднаквоста на ЛГБТ луѓето за време на нивните концерти. Така, пред концертот на хеви метал пејачот Роб Халфорд, градоначалникот на Санкт Петерсбург го предупредил да не зборува за геј правата за време на истиот.
Во Алабама, како во некои други делови од САД, геј бракот е нелегален. Така парот Кери Сирсајнд и Ким МекКианд кој во Калифорнија стапил во брак, не може да ги ужива брачните бенефиции во врска со данокот, и Сисајнд не може легално да биде старател на синот на МекКианд – затоа што Алабама не ги признава браковите кои не се склучени таму. Така, доколку синот на Сирсајнд е сместен во болница, додека е малолетен, а МекКианд не е во можност да биде присутна во болница, детето ќе мора да остане само.
Како што Алистер Стујарт, заменик директор на Kaleidoscope Trust, британска ЛГБТ организацијата изјави за The Guardian – Борбата дури и за фундаменталните права на ЛГБТ луѓето – слободата на собирање, слободата од тортура – станува тешка кога опонентите посочуваат на нешта како геј бракови и со тоа ги истакнуваат аргументите како ,,доколку ги допуштиме и најбазичните права за овие луѓе, следното што ќе го барат е венчавање во нашите цркви‘‘.
Извор: http://www.takepart.com
