Европскиот Парламент бара ЕУ Мапа за ЛГБТ

Денеска Европскиот Парламент усвои извештај кој ја повикува Европската Комисија да усвои ЕУ мапа против хомофобија, трансфобија и дискриминација врз основа на сексуална ориентација и родов идентитет (извештајот на Луначек).

ИЛГА Европа веќе повеќе години бараше таква мапа и затоа топло ја поздравува поддршката од Европскиот Парламент, за стратегија на ЕУ против дискриминација кон ЛГБТ луѓето.

Евелин Парадис, извршната директорка на ИЛГА Европа, изјави:

„Денешното гласање има големо значење, затоа што религиозните екстремисти, оние против правото на избор и другите ултра-конзервативни групи организираа масовна кампања за саботажа на овој извештај, користејќи лаги и намерно извртувајќи ги фактите. Но за среќа, Европарламентарците ја покажаа својата јасна посветеност кон фундаменталните принципи на ЕУ за еднаквост, недискриминација и достоинство за сите.“

Пауло Корте-Реал, ко-претседавач во Извршниот Одбор на ИЛГА Европа, додаде:

„Сега се надеваме на соработка со Европската Комисија и земјите-членки на ЕУ за да се осигураме дека ЕУ ќе ја усвои мапата. Унијата мора јасно да ги постави целите во борбата против хомофобијата и трансфобијата, да ги активира сите свои надлежности во таа област за постигнување на овие цели, и да има јасен систем за мерење на напредокот во оваа област. Оваа мапа е итно потребна, доколку ЕУ е сериозна во својот став против дискриминацијата кон ЛГБТ луѓето.“

Извештај на Луначек (на англиски) – За ЕУ мапата против хомофобија и дискриминацијата врз основа на сексуална ориентација и родов идентитет

Често поставувани прашања (на англиски) за Извештајот за ЛГБТ мапата (на Луначек) од страна на Интерпарламентарната група за ЛГБТ права во рамките на Европскиот Парламент

Извор: http://ilga-europe.org/home/news/for_media/media_releases/european_parliament_calls_for_eu_lgbt_roadmap